55:287  287  EPIST.  PETRI  I  288  humilibus  vero  dat  gratiam.  6.  Humiliamini  ergo  sub  potenti  manu  De%  ut  vos  extollat  quum  erit  oportunum:  7.  Omni  cura  vestra  in  eum  coniecta:  quoniam  HU  cura  est  vestri.  5.  Iuniores.  Seniores  alio  sensu  hic  ponit  quam  prius.  Necesse  enim  est,  quum  antithesis  sit  inter  eos  et  iuniores,  ut  membra  inter  se  respondeant.  Ergo  aetate  senes  vocat,  quum  prius  de  officio  loquutus  sit:  atque  ita  a  specie  conscendit  ad  genus.  Iubet  autem  in  summa,  unumquemque,  ut  est  aetate  inferior,  parere  maiorum  consiliis,  seque  docilem  et  modestum  praebere.  Est  enim  iuvenum  praesertim  lubrica  aetas,  quae  fraeno  opus  habet.  Deinde  non  poterunt  officium  facere  pastores,  nisi  vigeat  ac  colatur  haec  reverentia,  ut  minores  patiantur  se  gubernari.  Nam  si  nulla  est  subiectio,  eversa  est  politia.  Ubi  eorum  qui  vel  iure  vel  naturae  ordine  praeesse  debent,  nulla  est  autoritas,  statim  proterve  omnes  lasciviunt.  Et  omnes.  Finem  ostendit  cur  iuvenes  senibus  obtemperare  debeant:  ut  scilicet  inter  omnes  constet  aequabilitas  et  temperatura.  Neque  enim  quum  senibus  defertur  autoritas,  ius  vel  licentia  illis  datur  excutiendi  fraeni:  sed  ipsi  quoque  in  ordinem  coguntur,  ut  mutua  sit  subiectio.  Sic  maritus  caput  est  uxoris:  sed  tamen  illi  aliquo  modo  vicissim  subiectus  est.  Sic  pater  imperium  habet  in  filios:  nec  tamen  omni  subiectione  eximitur,  quin  ipsis  aliquid  debeat.  Idem  et  de  reliquis  sentiendum.  Denique  omnes  gradus  politici  ad  tuendum  universi  corporis  statum  pertinent.  Quod  fieri  non  potest,  nisi  membra  omnia  mutuo  subiectionis  nexu  inter  se  cohaereant.  Humilitatem  animi  induite.  Nihil  humano  ingenio  magis  adversum  est  quam  subiectio.  Vere  enim  illud  olim  dictum  est:  regis  animum  quemque  intra  se  habere.  Donec  ergo  subacti  fuerint  alti  illi  spiritus,  quibus  turget  hominum  natura:  nemo  alteri  cedere  volet:  quin  potius  singuli,  aliis  contemptis,  omnia  sibi  arrogabunt.  Quare  prudenter  apostolus,  ut  modestia  inter  nos  locum  habeat,  fastum  et  superbiam  corrigit.  Elegans  autem  est  metaphora  qua  utitur,  ac  si  diceret  :  omni  ex  parte  amplectimini  humilitatem,  sicuti  vestis  totum  corpus  tegit.  Interea  significat  nullum  pulchriorem  esse  ornatum  aut  decentiorem,  quam  ubi  nos  submittimus.  Propterea  quod.  Est  gravissima  comminatio,  quod  quicunque  se  efferre  cupient,  hostem  habituri  sint  Deum,  qui  eos  prosternet  :  contra  vero  humiles,  propitium  et  faventem.  Fingendae  sunt  nobis  duae  manus  Dei:  altera  quae  sursum,  veluti  malleus,  deiiciat  ac  conterat  qui  se  attollunt:  altera  quae  humiles,  qui  sponte  se  demittunt,  excipiat,  veluti  stabilis  fultura  ad  eos  sustinendos.  Hoc  si  vere