52:287  287  EPIST.  PAULI  AD  TIMOTHEUM  L  288  stratio.  Caeterum  plus  quam  ridiculi  sunt  papistae,  dum  in  diaconis  suis  facere  se  obtendunt  quod  Paulus  praescribit.  Initio  quorsum  diaconos  suos  creant,  nisi  ut  in  pompa  calicem  gestent,  et  ludicris  nescio  quibus  spectaculis  pascant  oculos  imperitorum?  Adde  quod  ne  id  quidem  servant.  Neque  enim  ab  annis  quingentis  diaconus  unus  creatus  est,  nisi  ut  hoc  gradu  facto  mox  ad  presbyterium  conscenderet.  Quantae  igitur  impudentiae  est  quod  iactant  ad  gradum  altiorem  eos  evehi  qui  probe  ministraverint,  quum  eos  tantum  sacerdotio  suo  dignentur  qui  nullam  prioris  officii  partem  unquam  attigerunt?  Et  libertatem  in  fide.  Merito  hoc  addidit.  Nihil  enim  est  quod  aeque  libertatem  pariat,  ut  bona  conscientia  et  vita  a  crimine  probroque  immunis.  Quemadmodum  e  converso  timidos  esse  oportet  qui  male  sibi  conscii  sunt.  Quod  si  licentia  interdum  exsultant,  neque  aequabilis  ea  est  ac  perpetua,  nec  quidquam  habet  ponderis.  Ideo  etiam  exprimit  libertatis  speciem.  In  fide,  inquit,  quae  est  in  Christo.  Quo  scilicet  maiore  fiducia  Christo  serviant.  Sicuti  rursus  os  habent  quasi  obturatum  et  constrictas  manus,  suntque  ad  bene  agendum  inhabiles,  qui  turpiter  in  sua  functione  versati  sunt:  quia  nihil  illis  habetur  fidei,  nihil  autoritatis  tribuitur.  14.  Haec  tibi  scribo,  sperans  brevi  ad  te  venire.  15.  Quod  si  tardavero,  ut  videas  quomodo  oporteat  in  domo  Dei  versari,  quae  est  ecclesia  Dei  viventis,  columna  et  firmamentum  veritatis.  16.  Et  sine  controversia  magnum  est  pietatis  mysterium:  Deus  manifestatus  est  in  carne,  iustificatus  in  spiritu,  visus  angelis,  praedicatus  gentibus,  fidem  obtinuit  in  mundo,  receptus  est  in  gloria.  14.  Haec  tibi  scribo.  Spem  adventus  sui  facit  Timotheo,  partim  ufe  eum  animet,  partim  ut  eorum  proterviam  comprimat  qui  sua  absentia  magis  insolescebant.  Neque  tamen  ficte  quidquam  Timotheo  promittit,  vel  per  simulationem  alios  territat.  Omnino  enim  sperabat  se  venturum:  ut  venisse  probabile  est,  si  hanc  epistolam  scripsit  quo  tempore  Phrygiam  peragrabat:  sicuti  refert  Lucas  Acto.  18,  23.  Hoc  autem  nobis  argumento  sit  quanto  sollicitudine  curaverit  ecclesias,  qui  praesenti  malo  remedium  in  breve  tempus  differre  non  sustinuerit.  Quamquam  continuo  post  addidit,  epistolam  instruendo  Timotheo  scriptam  esse,  si  forte  sibi  contingeret  moram  facere  opinione  sua  longiorem.  15.  Quomodo  oporteat  in  domo  Dei  versari.  Hac  loquutione  commendat  officii  pondus  ac  dignitatem:  quia  sint  pastores  veluti  oeconomi  quibus  regendam  suam  domum  commisit  Deus.  Si  quis  amplae  familiae  curam  sustineat,  noctes  ac  dies  anxio  studio  incumbit,  ne  quid  sua  negligentia,  vel  imperitia,