51:287  287  SERMON  IV  288  nostre  Seigneur  Iesus  Christ,  comme  si  elle  n'estoit  pas  du  tout  suffisante.  Mais  sainct  Paul  dit  que  c'est  comme  un  thresor  si  grand  que  la  bonte  de  Dieu,  telle  qu'elle  nous  est  monstree  en  Iesus  Christ,  qu'il  faut  que  tout  le  reste  cesse  et  soit  mis  bas.  Et  quand  Dieu  use  d'une  liberalite  si  grande  que  nous  en  devons  estre  tous  ravis,  n'est-ce  pas  une  presomption  trop  enorme,  quand  nous  apporterons  nos  menus  fatras,  comme  si  cela  estoit  d'aucune  valeur  et  estime,  d'aller  en  pelerinage,  et  de  faire  quelque  autre  devotion?  N'est-ce  pas  autant  comme  si  le  sang  de  Iesus  Christ  n'estoit  pas  suffisant  pour  le  prix  de  nostre  salut:  ie  di  le  prix  et  la  rancon?  Voila  donc  d'un  coste  comme  sainct  Paul  a  voulu  ici  couper  broche  a  toutes  ces  vaines  imaginations  que  les  hommes  concoivent,  cuidans  pouvoir  appaiser  Pire  de  Dieu  par  leurs  satisfactions  et  payemens.  D'autre  coste,  il  a  voulu  secourir  a  nostre  foiblesse:  car  combien  que  nous  soyons  enclins  &  nous  persuader  merveilles  de  nos  vertus,  et  nous  faire  accroire  que  Dieu  est  oblige  envers  nous,  quand  il  est  question  de  l'invoquer  a  bon  escient  et  d'esperer  en  luy,  lors  que  Satan  nous  sollicite  a  desespoir  et  que  nous  sommes  agitez  de  troubles  et  tentations,  nous  sommes  si  esperdus  que  nous  ne  pouvons  nous  fier  en  toutes  les  promesses  de  l'Escriture  saincte,  et  en  tout  ce  qui  nous  est  dit  de  la  mort  et  passion  de  nostre  Seigneur  Iesus  Christ.  S.  Paul  donc  pour  remedier  a  ce  vice  d'incredulite,  qui  est  par  trop  fort  enracine  en  nous,  ici  nous  presente  les  grans  thresors  de  la  bonte  de  Dieu,  a  fin  que  toute  la  confiance  que  nous  pourrions  concevoir  soit  comme  engloutie,  voyant  que  Dieu  veut  user  d'une  si  grande  liberalite  envers  nous.  Or  la*  dessus  il  adiouste,  Qu'il  a  fait  abonder  ceste  grace  envers  nous  en  toute  sagesse  a  intelligence.  Par  ces  mots  il  declare  comme  nous  entrons  en  possession  de  ce  qu'il  avoit  mis  auparavant.  Voici  toute  nostre  felicite  et  tout  nostre  souverain  bien,  que  nous  soyons  reconciliez  a  Dieu,  tellement  qu'il  nous  advoue  pour  ses  enfans  et  qu'il  nous  soit  licite  de  l'invoquer  comme  nostre  Pere  en  pleine  liberte.  Mais  comment  obtiepdrons-nous  ce  dont  nous  sommes  tant  eslongnee?  Il  est  dit  que  si  nous  ne  valons  rien,  et  ne  pouvons  rien,  que  nous  trouverons  en  nostre  Seigneur  Iesus  Christ  tout  ce  qui  nous  defaut,  et  que  sa  mort  et  passion  sera  un  sacrifice  suffisant  pour  abolir  la  memoire  de  toutes  nos  offenses.  Mais  cependant,  a  scavoir  si  tous  communiquent  a  ce  bien  qui  nous  a  este  acquis  par  nostre  Seigneur  Iesus  Christ?  Non:  car  les  incredules  n'y  ont  ne  part  ne  portion.  C'est  donc  nn  privilege  special  pour  ceux  que  Dieu  recueille  &  soy.  Et  aussi  sainct  Paul  monstre  que  la  foy  est  requise,  ou  Christ  ne  nous  profitera  rien.  Com-