50:287  287  SERMONS  288  DEUXIEME  SERMON.  GALATES.  Chap.  I  v.  3.5.  Il  n'y  a  celuy  qui  ne  desire  son  bien,  et  de  nature  nous  sommes  enclins  a  cela.  Mais  cependant  nous  sommes  tres  mal  avisez,  ne  cognoissans  point  quelle  est  la  source  dont  tout  bien  procede:  et  mesmes  quelle  est  la  vraye  cause  de  nostre  felicite,  c'est  a  scavoir,  que  Dieu  nous  aime,  et  que  nous  soyons  asseurez  qu'il  nous  tient  pour  ses  enfans:  car  sans  cela  toute  la  prosperite  du  monde  n'est  rien:  qui  plus  est,  tousiours  nous  sera  tournee  en  mal,  d'autant  que  iusqu'a  ce  que  Dieu  nous  recoive  en  grace  nous  sommes  tous  maudits,  et  les  biens  que  nous  recevons  de  sa  main  nous  seront  bien  cher  contez:  car  ils  ne  nous  appartieneut  pas  iusqu'a  ce  que  nous  soyons  de  la  compagnie  de  ses  enfans.  Ainsi  nous  devons  surtout  cercher  d'estre  en  la  grace  de  nostre  Dieu,  et  avoir  ceste  certitude  en  nous,  qu'il  nous  recoit  comme  de  sa  maison  et  de  son  Eglise.  Et  voila  pourquoy  il  est  dit  au  Pseaume,  apres  que  le  Prophete  a  redargue  les  appetis  du  monde,  que  l'un  desire  abondance  de  vin,  l'autre  abondance  de  ble,  que  chacun  regarde  a  son  aise,  qu'il  n'y  a  rien  meilleur  ne  plus  desirable  sinon  que  Dieu  nous  monstre  la  clairte  de  son  visage:  c'est  a  dire  que  nous  apprehendons  sa  faveur,  ne  doutans  point  (comme  desia  nous  avons  declare)  qu'il  ne  nous  veuille  advouer  pour  ses  enfans.  Et  voila  aussi  pourquoy  au  Pse.  106  le  Prophete  desire  sur  toutes  choses  que  Dieu  se  souviene  de  luy  au  bon  plaisir  de  son  peuple.  Il  scavoit  bien  qu'il  avoit  faute  de  beaucoup  de  choses:  mais  il  quitte  tout  le  reste,  d'autant  que  son  affection  le  porte  la  et  le  ravit,  c'est  que  Dieu  le  comprend  au  nombre  de  ses  eleus:  mais  si  est-ce  que  toute  la  lignee  d'Adam  est  comme  retranchee  de  luy  iusques  a  ce  que  nous  soyons  reunis  par  Iesus  Christ.  Ii  y  a  donc  une  amour  de  Dieu  envers  tous  hommes  d'autant  qu'il  les  a  creez  a  son  image,  d'autant  qu'il  fait  luire  son  soleil  sur  tous,  et  qu'il  les  nourrit,  et  a  le  soin  de  leur  vie.  Mais  tout  cela  n'est  rien  au  pris  de  ceste  bonte  speciale  qu'il  reserve  a  ses  eleus,  et  a  ceux  qui  sont  de  son  troupeau:  non  pas  pour  dignite  qu'il  trouve  en  eux,  mais  d'autant  qu'il  luy  plaist  les  accepter  pour  siens.  Voila  pourquoy  S.  Paul  en  toutes  ses  Epistres  nous  ramene  a  la  grace  de  Dieu,  et  a  ceste  amour  qu'il  porte  a  ses  fideles,  disant,  grace  et  paix  vous  soit.  Sous  ce  mot  de  paix  (comme  nous  avons  veu  ci-devant)  ii  comprend  toute  prosperite,  comme  s'il  requeroit  a  Dieu  qu'il  nous  pourvoye  de  tout  ce  qu'il  scait  nous  estre  expedient,  qu'il  desploye  ses  richesses  sur  nous,  et