5:287  EPISTOLA  IL  eurus  audias:  iam  converso  ad  te  sermone,  experiar  num  aliquis  adhuc  in  te  resideat  Dei  timor,  quo  te  olim  non  penitus  vacuum  esse  sensi.  Istud  tamen  dissimulatum  tibi  nolo,  mirari  me  non  satis  posse,  qualis  sit  ille  tuus  stupor,  ut  quum  tot  Domini  iudiciis  ac  telis  letalibus  configantur  ignavi  pastores,  nullum  eorum  in  te  dirigi  sentias  :  quum  illi  tamen,  nisi  per  tuum  latus,  vulnerari  non  possint.  Quid  enim?  l)  Postquam  episcopi  et  nomen  et  locum  tenes,  omnia  pro  episcopi  iure  ac  potestate  administras,  omnium  in  te  coniecti  sunt  oculi,  velut  in  religionis  antistitem,  fidem  ecclesiae  tuam  obligasti:  quo,  quaeso,  praetextu  officium  ipsum  abs  te  reiicies?  Tu,  dum  tuum  commodum,  dum  potestas,  dum  praerogativa,  dum  dignitas  agitur,  episcopus  agnosci  voles:  dum  abs  te  exigitur,  ut  quod  muneris  est  tui  vicissim  praestes,  episcopum  esse  te  negabis?  Noli  putare,  o  bone  vir,  vel  talibus  ineptiis  Deum  quocum  hic  tibi  negotium  est,  ludificari:  aut  talibus  cavillis  verbum  eius  eludi  posse,  quando  ne  homines"  quidem  istam  in  tyranno  barbariem  ferrent,  si  rodendo  populo  principem  se  esse  praedicaret,  regendo  negaret.  Et  tamen  audio  abs  te,  tuique  ordinis  hominibus,  voces  istas  subinde  iactari:  sacerdotia,  quae  sub  episcoporum  titulo  geritis,  nihil  esse  minus  quam  episcopatus:  sed  dominia  potius,  aut  civiles  praefecturas,  aut  honorarias  pensiones,  aut  aliud  quidvis,  modo  ne  episcopatus  censeantur.  An  non  hoc  est  Deum  simul  et  homines  velle  fallere?  Quoniam  institutum  Domini  est,  ut  eligantur,  qui  ecclesiis  praesint,  pastores.  Hoc  obtentu  allectus  es  in  eam,  quam  obtines  dignitatem,  qualiscunque  tandem  sit,  aut  quocunque  vocetur  nomine:  non  ut  satrapiam  invaderes,  sed  ut  ecclesiae  administrationem  obirefs,  arripis  conditionem,  invocato  Dei  nomine,  iuras  in  probi  sanctique  pastoris  munus.  Ea  quae  sunt  dignitatis  pro  episcopo  geris:  et  quo  populum  habeas  obsequentem,  nomen  libenter  praefers,  totum  populum  in  te,  quasi  viae  directorem,  reclinare,  reiectaque  ad  tuam  providentiam  religionis  cura,  securum  esse  pateris.  Ita  Deo  et  hominibus  obstrictus,  nihil  tua  referre  nugaris,  si  omnia  pessum  eant,  quorum  in  te  procurationem  recepisti.  Equidem  si  me  interroges,  quo  te  loco  aut  ordine  habeam,  quidvis  potius  esse  te,  quam  episcopum  respondebo:  [pag.  54J  in  quo  ne  obscurissimam  quidem  lineam  exstare  conspicer,  quae  episcopum  aliqua  saltem  ex  parte  figuret.  At  non  propterea  debere  desinis,  quod  es,  Deo  teste  et  hominibus,  aut  verius,  Deo  simul  et  hominibus,  sacramento  pollicitus  :  quod  exspectari  abs  te  hominum  opinione  vides:  denique  quod  tuo  nomine  profiteris.  Quod  profecto  ipsum  1)  In  hoc  commette  inter  pungendo  editionem  principem  et  versionem  gallicam  sequimur.  Ed.  1550  scribit:  Quid  enim,  postquam  .  .  .  .  tenes?  omnia  ete.  Recentiores  omnes  minus  vere  etiam:  Quid  enim,  p  o  s  t  q  u  am  .  .  .  .  t  e  n  e  s  ?  Omnia  ete.