9:286  Quanquam  scripserisne  ipse  tua  manu,  an  Scoto  *)  deliriorum  tuorum  praeconi  quod  non  licebat  isthic  vulgare  dictaveris,  ut  Lutetiam  perferret,  mea  nihil  interest.  Atque  utinam  vel  alius  esset  libelli  autor,  vel  tu  ipse  esses  alius:  quod  non  aliter  fiet,  donec  quam  amabilis  sit  virtus  ingenuitas  [pag.  25]  gustaveris.  Quanquam  semper  mecum  reverenter  loquutus  es,  quam  tamen  propensus  natura  esses  ad  cavillandum,  non  difficile  fuit  cognoscere.  Vitium  hoc  quod  etiam  puerilibus  nugis  augebas,  corrigere  studui  sed  frustra:  quia  ad  naturam  accesserat  prava  affectatio,  ut  acuminis  laudem  ex  frigidissimis  quibusque  et  plus  quam  insipidis  iocis  captares.  Nec  vero  est  quod  te  Socratis  exemplo  tegas,  quod  dicta  quaelibet  suis  cavillis  exagitare  solitus  fuerit.  Nam  quum  excelleret  vir  ille  multis  et  praeclaris  virtutibus,  uno  hoc  vitio  quod  non  minus  perperam  quam  cupide  aemularis  eas  omnes  inquinavit.  Refutationem  scripti  tui  a  me  exigis,  quae  possit  a  populo  intelligi.  Equidem  simplici  puroque  docendi  genere  hactenus  studui  me  accommodare  ad  rudissimi  cuiusque  captum.  Verum  si  nullam  rationem  admittis,  nisi  quam  [pag.  26]  capit  terreni  hominis  sensus,  superbo  fastidio  aditum  vobis  ipsi  clauditis  ad  eam  doctrinam,  cuius  cognitio  a  reverentia  incipit.  Nec  mihi  ignotae  sunt  tuae  et  similium  sannae,  quibus  Dei  mysteria  non  secus  exagitatis,  ac  si  gratiam  et  autoritatem  perderet,  quidquid  vobis  non  arridet.  Iam  vero  quid  hoc  sibi  vult,  simul  ac  obstrepere  quilibet  mihi  volet,  ad  refutandum  me  cogi?  Meque  enim  hanc  legem  sibi  imponi  passus  fuisset  Socrates,  cuius  nomen  falso  obtendis.  Ego  imitationem  sine  exceptione  minime  appeto.  Quod  si  quis  non  hac  tantum  aetate,  sed  aliis  etiam  saeculis,  improbis  se  constanter  opposuit,  1)  ou  bien,  si  cest  Escossois  qui  fait  estat  d'esventer  te&  resveries  si  tost  que  tu  les  as  enfantees,  l'a  escrit  sous  toy  pour  porter  a  Paris,  d'autant  qu'il  ne  feust  pas  este  permis  de  le  publier  au  lieu  de  ta  demeure