7:286  enim  ad  remedium  afferendum  aptior,  quam  cui  bene  perspectus  est  morbus?  Tollendae  sunt  ac  repurgandae  corruptelae,  quae  veterem  diaconiam  prorsus  sustulerunt.  Quibus  potius  iniungi  hoc  onus  convenit,  quam  qui  malorum  omnium  non  modo  penitus  sunt  conscii,  sed  etiam  autores?  Exspectemus  qualis  futura  sit  emendatio,  si  sacerdotibus  libera  vel  agendi,  vel  cessandi  potestas  relinquatur.  Non  sic  prius  rex  Iosias,  qui  non  proventui  tantum  ad  victum  destinato,  sed  etiam  sacris  oblationibus  scribam  suum  praefecit.  Et  tamen  Frenesium  nihil  pudet  sacrilegii  accusare  imperii  ordines,  si  cohibendis  sacrilegiis  se  interposuerint.  [pag.  84]  47)  Quid  sit  concessum  Protestantibus,  dicere  supersedeo:  quanquam  huc  summa  redit,  ne  quibus  iniustis  praeiudiciis,  nisi  causa  rite  cognita  et  iudicata,  ante  tempus  graventur.  Hoc  totum  rescindi  iubet  sanctus  pater.  Durum  id  quidem,  prima  specie,  sed  ratio  subest.  Quid  enim,  si  ad  concilium  integri  veniant  Protestantes,  quantum  sanctae  sedi  decesserit,  ut  quasi  de  re  dubia  ineatur  disceptatio?  Non  abs  re  ergo  est,  quod  tam  strenue  contendit  papa,  ne  quo  privilegio  subleventur.  Quid  enim  aut  commodius  illi,  aut  magis  expeditum  quam  ut  damnati  illuc  pertrahantur,  vel  poenas  luant  suae  absentiae?  Quin  ergo  illi  expediat,  non  dubium,  sed  num  etiam  aequum  ac  rectum  sit,  quaeritur.  Valeat  honestas,  inquit  Frenesius,  utilitas  praevaleat.  Hoc  quidem  iure  romano  est  usitatum,  sed  non  meminit  se  in  Germania  loqui,  ubi  et  fidei  datae  religio  colitur,  et  pudoris  1)  ecclesiae  omittitur  in  omnibus  edd.  praeter  principem.  Deest  etiam  in  versione  gallica.