55:286  ad  necessitatis  praescriptum,  lente  et  frigide,  tanquam  coacti,  in  opere  progredimur.  3.  Dominium  exercentes.  Quia  Graecis  propositio  xaxa  fere  in  malam  partem  capitur,  taxat  hic  Petrus  praeposteram  dominationem  :  qualis  est  eorum  qui  se  ministros  esse  Christi  et  ecclesiae  non  reputantes,  plus  aliquid  appetunt.  Cleros  autem  appellat  particulares  ecclesias.  Nam  quum  universum  ecclesiae  corpus  haereditas  sit  Domini:  ut  per  oppida  et  pagos  distributae  sunt  ecclesiae,  totidem  sunt  veluti  praedia,  quorum  culturam  singulis  presbyteris  assignat.  Nimis  imperite  quidam  de  clericis  (quos  vocant)  hoc  dictum  putant.  Vetustus  quidem  fuit  ille  loquendi  modus,  ut  totum  ordinem  ministrorum,  clerum  vocarent:  sed  utinam  patribus  nunquam  venisset  in  mentem  ita  loqui:  quia  quod  toti  ecclesiae  scriptura  communiter  tribuit,  minime  consentaneum  fuit  ad  paucos  homines  restringere.  Et  hic  loquendi  modus  adulterinus  fuit,  vel  saltem  a  recto  apostolorum  usu  degener.  Nominatim  vero  Petrus  ecclesias  hoc  titulo  commendat,  ut  sciamus  Domino  eripi  quidquid  ad  se  homines  trahunt:  sicuti  multis  locis  peculium  suum  et  virgam  haereditatis  suae  ecclesiam  nominat,  dum  integrum  sibi  dominium  vult  asserere.  Neque  enim  regnum  pastoribus  tradit,  sed  curam  iniungit  duntaxat,  ut  ius  illi  suum  interea  salvum  maneat.  4.  Quum  apparuerit.  Nisi  in  hunc  finem  intenti  sint  pastores,  fieri  nullo  modo  potest  ut  gnaviter  in  cursu  vocationis  suae  pergant:  quin  potius  subinde  deficerent.  Nam  innumera  sunt  offendicula  quae  exanimare  possent  etiam  optime  cordatos.  Saepe  cum  ingratis  hominibus  negotium  est,  a  quibus  rependitur  indigna  merces  :  longi  et  immensi  labores  saepe  irriti:  Satan  perversis  suis  machinationibus  interdum  praevalet  :  ergo  ne  frangatur  pius  Christi  servus,  unicum  hoc  remedium  habet,  ut  in  Christi  adventum  oculos  convertat.  Ita  fiet  ut  suum  laborem,  qui  carere  profectu  videtur  apud  homines,  gnaviter  quisque  obeat,  cui  tanta  merces  apud  Dominum  sit  reposita.  Porro  ne  longior  exspectatio  languorem  gignat,  simul  praedicat  amplitudinem  mercedis,  quae  ad  moram  compensandam  valere  debet.  Vos,  inquit,  immarcessibilis  gloriae  corona  manet.  Notandum  etiam  quod  Christum  vocat  pastorum  principem:  quia  non  nisi  sub  ipso  eiusque  nomine  ecclesiam  regimus,  ut  sit  nihilominus  ipse  in  solidum  pastor.  Itaque  princeps  hic  non  praecipuum  modo  significat,  sed  eum  cuius  potestati  reliquos  omnes  subesse  oportet:  sicuti  non  nisi  eius  mandato  et  nomine  personam  hanc  sustinent.  5.  Similiter  iuniores  subiecti  estote  senioribus:  sic  et  omnes  alii  aliis  subiiciamini.  Humititatem  animi  induite:  propterea  quod  Deus  superbis  resistit  j