52:286  hominibus  christianis  est  cognitu  necessarium.  Summam  tamen  piae  doctrinae  honorifice  mysterium  appellat:  ut  certe  Deus  per  evangelium  sapientiam  terrenis  hominibus  patefacit,  quam  in  coelo  suspiciunt  angeli.  Quare  nihil  mirum  si  humanum  captum  superet.  Proinde  eam  cum  summa  reverentia  amplectendam  esse  meminerimus:  et  quia  ad  tantam  altitudinem  nunquam  conscenderemus  proprio  marte,  suppliciter  Deum  rogemus  ut  eam  spiritu  revelationis  nobis  reseret.  Rursus  quum  videmus  impios  vel  ridere,  vel  nihil  gustare,  divinae  esse  gratiae  agnoscamus:  quod  quae  aliis  sunt  abscondita,  nobis  in  corde  sunt  et  in  oculis,  ut  inquit  Moses  (Deut.  30,  l  l  )  .  Ergo  diaconos  in  mysterio  fidei  vult  esse  eruditos:  quia  etsi  docendi  munus  non  habent,  nimis  tamen  absurdum  foret,  publicam  in  ecclesia  personam  sustinere,  et  rudes  esse  in  fide  christiana  :  praesertim  quum  saepe  incidat  necessitas  monendi  et  consolandi,  nisi  partibus  suis  deesse  velint.  Additur  pura  conscientia,  quae  extenditur  ad  totam  vitam:  tum  vero  ut  sciant  se  Deo  servire.  10.  Et  hi  probentur.  Yult  non  ignotos,  sed  compertae  probitatis  eligi,  quemadmodum  episcopos.  Et  hinc  apparet,  irreprehensibiles  dici  qui  nullo  notabili  vitio  laborent.  Porro  haec  probatio  non  est  unius  horae,  sed  in  longa  experientia  consistit.  Summa  est:  ubi  de  creandis  diaconis  agetur,  non  debere  quoslibet  temere  et  sine  delectu  obtrudi,  sed  designandos  esse  quos  anteacta  vita  sic  commendet,  ut  iam  quasi  habito  examine  constet  esse  idoneos.  11.  Uxores  similiter.  Uxores  intelligit  tam  diaconorum  quam  episcoporum.  Debent  enim  maritis  esse  adiutrices  in  officio:  quod  fieri  nequit,  nisi  prae  aliis  bene  sint  moratae.  Et  quoniam  uxorum  meminerat,  idem  praecipit  de  diaconis  quod  ante  de  episcopis:  nempe  ut  unica  uxore  quisque  eorum  contentus,  casti  et  honesti  patrisfamilias  sit  exemplum:  lib  ero  sque  et  totam  domum  in  sancta  disciplina  contineat.  Atque  hinc  refellitur  eorum  error  qui  de  famulis  domesticis  locum  hunc  accipiunt.  13.  Qui  bene  ministraverint.  Quia  uno  aut  altero  saeculo  post  apostolorum  mortem  invaluerat  usus  ut  ex  diaconorum  ordine  eligerentur  presbyteri,  vulgo  hunc  locum  exposuerunt  de  transitu  ad  gradum  superiorem,  quasi  apostolus  ad  honorem  presbyterii  vocet  qui  fideles  se  diaconos  praestiterint.  Ego,  etsi  non  nego  diaconorum  ordinem  interdum  seminarium  esse  posse  ex  quo  sumantur  presbyteri:  tamen  simplicius  accipio  Pauli  verba,  qui  probe  defuncti  fuerint  hoc  ministerio,  non  parvo  honore  dignos  esse:  quia  non  sit  sordidum  aliquod  exercitium,  sed  honorificum  in  primis  munus.  Porro  hac  particula  significat  quantum  ecclesiae  intersit,  hoc  munus  a  viris  selectis  administrari  :  quia  existimationem  et  reverentiam  conciliat  sancta  admini-