5:286  minum  genere  negotium  illi  proponi  vides:  quorum  apud  alios  [pag.  52]  quidem  exhortationis  est  usus,  aliorum  frangenda  est  revincendaque  pervicacia.  Et  quid  hoc  aliud  est,  quam  quod  iam  antea  demonstratum  fuit:  partim  pascendis  ovibus,  partim  lupis  abigendis  intentum  esse  oportere  eius  et  animum  et  studium?  Qui  veri  primariique  pastoris  voci  aures  habent  apertas,  et  ad  auscultandum  paratos  facilesque  sese  praebent  ac  tractabiles,  hi  sunt  ovium  loco  habendi.  Proinde,  sive  docenda  eorum  ignorantia,  sive  excitanda  tarditate,  sive  imbecillitate  exhortanda,  sive  lapsibus  obiurgandis,  sive  erroribus  monendis,  semper  et  fovere  pastoritia  sollicitudine  ipsos,  et  benignitate  tractare  studeas  oportet.  Rursum,  altero  quoque  oculo  sunt  observandi  lupi  :  ne  a  Christi  septis  abductas  incautas  oves  depraedentur,  quales  partim  sunt  contemptores  isti,  quibus  ut  verbum  Domini  prope  fabula  est,  ita  eodem  Dei  contemptu  verbique  eius  ludibrio  pios  animos  imbuere  summae  est  voluptati:  partim  pseudoprophetae,  qui  veram  puramque  religionem  et  perniciosis  mendaciis  obscurare,  pravis  dogmatibus  contaminare,  et  dissidiorum  contentione  scindere,  et  quibus  denique  viis  possunt,  evertere  conantur.  Iam  vero  sequitur,  quod  tertio  loco  propositum  erat:  nihilo  esse  neglectae  desertaeque  functionis  poenam  leviorem,  quam  sit  administrandae  difficultas.  Nihil  enim  gravius  proferri  potuit,  quam  illa  plane  horrenda  denunciatio,  quae  episcopi  auribus  assidue  insonare  debet.  Id  enim  ipsum,  quod  prophetae  suo  denunciabat  olim  Dominus,  nihilo  ad  eos  minus,  quam  ad  prophetam,  cui  semel  dictum  est,  pertinet.  Posui  te,  inquit  (Iez.  3,  17  et  33,  7),  populo  meo  speculatorem-  Si  dicente  me  ad  impium,  morte  morieris,  non  loquutus  fueris,  ut  avertatur  a  via  sua  impia,  et  vivat,  ipse  quidem  in  sua  iniquitate  morietur:  sanguinem  autem  eius  de  manu  tua  requiram.  Quis  iam  in  eo  delinquendi  sibi  licentiam  indulgere  audeat,  in  quo  ulciscendo  se  adeo  severum  fore  Dominus  ostendit?  Quis  iam  negligentiae  suae  blandiatur,  adversum  quam  sic  tonat  Dominus  ac  fulminat?  Quis  impunitatis  confidentia  sese  deludat,  terribili  hac  sententia  pronunciata?  Paulus  sane,  quanta  sententiae  huius  religione  teneretur,  abunde  testatus  est,  quum  et  necessitate  se  ad  evangelizandum  obstringi  ait,  et  maledictionem  ipse  sibi  indixit,  nisi  necessitati  pareret:  addita  sola  ista  ratione,  quia  munus  sibi  creditum  esset  (1  Cor.  9,  17).  Quare  et  quum  apud  ephesinae  ecclesiae  ministros  de  sua  integritate  dissereret,  quo  suo  eos  exemplo  animaret,  ideo  se  mundum  esse  ab  omnium  sanguine  affirmavit  (Act.  20,  26),  [pag.  531  quoniam  non  subterfugerat,  quominus  omne  Dei  consilium  illis  adnunciaret.  Verum  ne  quidquid  in  genere  de  pastorum  officio  disputatur,  quasi  minimum  ad  te  pertineat,  se-