49:286  Accedit  etiam  ex  ipsa  temporis  diuturnitate  maior  et  amplior  fidei  probatio,  dum  ii  qui  primi  coeperunt,  bene  currendo  non  fatigantur.  Gratitudinem  suam  iterum  testatur,  dum  Mariae  erga  se  officia  commemorat.  Nec  dubium  est  quin  laudes  istas  adscribat,  ut  quos  laudat  Romanis  reddat  commendatiores.  7.  Salutate  Andronicum.  Quamquam  genus  et  alia)  quae  ad  carnem  pertinent,  non  magni  facere  solet  Paulus,  quia  tamen  nonnihil  valere  poterat  consanguinitas,  quam  cum  eo  habebat  Iunia  et  Andronicus,  ut  facilius  innotescerent,  hanc  quoque  laudem  non  negligit.  Plus  momenti  est  in  secundo  elogio  dum  nominat  concaptivos:  quia  inter  decora  militiae  Christi  vincula  non  ultimo  loco  censentur.  Dum  tertio  loco  apostolos  nominat,  hanc  vocem1)  non  accipit  in  significatione  propria  et  usitata,  sed  latius  extendit  ad  eos  omnes  qui  non  unam  tantum  ecclesiam  instituunt,  sed  promulgando  ubique  evangelio  impendunt  operam.  Qui  ergo  salutis  doctrinam  huc  et  illuc  circumferendo  plantabant  ecclesias,  eos  generaliter  vocat  apostolos  hoc  quidem  loco.  Nam  alibi  ad  primarium  illum  ordinem  restringit,  quem  Christus  initio  instituit  in  duodecim  discipulis:  alioqui  absurdum  esset,  excellentiam  tantam  illis  adscribi  inter  paucos.  Iam  quia  prius  evangelium  fide  amplexi  erant  quam  Paulus,  eos  sibi  hoc  respectu  praeferre  non  dubitat.  l  l  .  Qui  sunt  ex  Narcissi  fam.  Nimis  indignum  esset,  in  tam  longo  catalogo  Petrum  praeteriri,  si  tunc  Romae  fuisset:  atqui  fuisse  oportet,  si  Romanensibus  creditur.  Porro  si  in  rebus  dubiis  nihil  melius  est  quam  probabilem  coniecturam  sequi:  nemo  qui  mediocriter  iudicabit,  persuadebitur  verum  esse  quod  affirmant.  Nunquam  enim  a  Paulo  fuisset  omissus.  Caeterum  notatu  dignum  est,  nullum  hic  ex  splendidis  illis  et  magnificis  nominibus  audiri,  unde  colligere  liceat,  illustres  viros  christianos  fuisse:  quoscunque  enim  recenset  Paulus,  Romae  obscuri  et  ignobiles  fuerunt.  Narcissum,  quem  hic  nominat,  Claudii  libertum  esse  puto,  multis  sceleribus  et  flagitiis  famosum.  Quo  magis  admirabilis  est  Dei  bonitas,  quae  in  illam  impuram  domum  et  omni  nequitia  fiagrantem  penetravit  :  non  quod  conversus  ad  Christum  fuerit  Narcissus  ipse:  sed  hoc  magnum  fuit,  domum  quasi  inferis  similem  Christi  gratia  visitari.  Quum  vero  Christum  pure  coluerint  qui  sub  foedo  lenone,  sub  praedone  voracissimo  et  homine  corruptissimo  vivebant,  non  est  quod  heros  suos  exspectent  servi,  sed  quisque  pro  se  Christum  sequatur.  Imo  exceptio  a  Paulo  adiuncta  ostendit  divisam  fuisse  familiam,  ut  pauci  tantum  fideles  essent.  i  Nomen  apostoli  21*