47:286  ignorantiae,  quae  scientiam  praecessit:  nempe  quia  tunc  ducem  non  habebant  scripturam  ac  magistram,  quae  ipsorum  mentes  ad  rectam  puramque  considerationem  dirigeret.  Nos  enim  nisi  verbo  Dei  praeeunte  caeci  sumus:  quanquam  nec  hoc  quidem  sufficit,  ut  nobis  verbum  Dei  luceat,  nisi  vicissim  illuminet  oculos  nostros  spiritus,  qui  alioqui  ad  plenam  lucem  caecutirent.  Hac  gratia  suos  discipulos  Christus  post  suam  resurrectionem  dignatus  est,  quia  nondum  advenerat  maturum  tempus,  quo  spiritus  sui  divitias  quasi  larga  manu  effunderet,  donec  receptus  esset  in  gloriam  coelestem,  ut  cap.  7,  39  habuimus.  Nos  vero  hoc  exemplo  edocti  iudicium  de  omnibus,  quae  ad  Christum  pertinent  ex  scriptura,  non  proprio  carnis  nostrae  sensu  facere  discamus.  Teneamus  deinde  hanc  peculiarem  esse  spiritus  gratiam,  ut  temporis  successu  nos  erudiat,  ne  in  reputandis  Dei  operibus  stupidi  simus.  Membrum  istud,  quod  haec  de  eo  erant  scripta^  et  haec  fecerunt  illi,  sic  interpretor,  quod  tunc  venit  primum  in  mentem  discipulis,  non  temere  haec  facta  fuisse  Christo,  neque  homines  istos  inaniter  lusisse:  sed  totum  hoc  negotium  Dei  providentia  fuisse  gubernatum,  quia  impleri  necesse  erat,  quaecunque  scripta  fuerant.  Proinde  ita  resolve:  Haec  ei  fecerunt,  sicut  de  ipso  scripta  erant.  17.  Testimonium  reddidit  turba.  Iterum  repetit  quod  dixerat,  multos  fama  tanti  miraculi  excitatos  venisse  Christo  obviam.  Ideo  enim  turmatim  exeunt,  quia  passim  sparsus  fuerat  rumor  de  Lazaro  in  vitam  restituto.  Iustam  ergo  materiam  habebant  isti,  cur  filio  Mariae  tribuerent  Christi  honorem,  quum  tam  insignis  eius  virtus  illis  nota  esset.  19.  Videtis  quod  non  proficitis  quidquam.  His  verbis  ad  maiorem  se  rabiem  instigant.  Est  enim  quaedam  ignaviae  exprobratio,  ac  ei  dicerent,  plebem  ideo  ad  Christum  deficere,  quod  nimis  tardi  essent  ac  molles.  Hic  loquendi  mos  est  desperatis  hominibus,  quum  se  ad  extrema  quaeque  tentanda  parant.  Quod  si  tanta  est  ad  malum  pertinacia  Dei  hostibus,  longe  constantiores  in  recto  proposito  nos  esse  decet.  20.  Erant  autem  quidam  Graeci  ex  his  qui  adscenderant  ut  adorarent  die  festo.  21.  Hi  ergo  accesserunt  ad  Philippum,  qui  erat  ex  Bethsaida  Galilaeae,  et  rogarunt  eum  dicentes:  Domine,  volumus  Iesum  videre.  22.  Venit  Philippus,  et  dicit  Andreae,  rursus  Andreas  et  Philippus  dicunt  ipsi  Iesu.  23.  Iesus  autem  respondit  illis,  dicens:  Venit  hora,  ut  glorificetur  filius  hominis.  24.  Amen,  amen  dico  vobis,  nisi  granum  tritici,  quum  cecidit  in  terram,  mortuum  fuerit,  ipsum  solum  manet:  si  autem  mortuum  fuerit,  multum  fructum  affert.  25.  Qui  amat  animam  suam,  perdet  eam:  et  qui  odit  animam  suam  in  mundo  hoc,  in  vitam  aeternam  custodiet  eam.  26.  Si  quis  mihi