1:286  ut  Deum  recognoscamus,  Dei  autem  notitia,  nisi  hucusque  processerit,  fluxa  est  et  evanida  ;  eos  omnes  a  creationis  suae  lege  degenerare  palam  est,  qui  non  ad  hunc  scopum  universas  suae  vitae  cogitationes  actionesque  destinant.  Quod  nec  philosophos  ipsos  latuit.  Non  enim  aliud  est  quod  voluit  Plato,  dum  saepius  docuit,  l)  summum  animae  bonum  Dei  similitudinem  esse,  dum  2)  percepta  eius  vera  contemplatione,  3)  in  ipsum  tota  transformatur.  Proinde  sapientissime  quoque  ille  apud  Plutarchum  Grylus  ratiocinatur,  dum  homines  affirmat,  si  ab  eorum  vita  semel  absit  religio,  non  modo  brutis  pecudibus  nihil  excellere,  sed  multis  partibus  esse  longe  miseriores:  ut  qui  tot  malorum  formis  obnoxii,  tumultuariam  et  irrequietam  vitam  perpetuo  trahant.  Unum  ergo  esse  Dei  cultum,  qui  superiores  ipsos  faciat,  per  quem  solum  ad  immortalitatem  aspiratur.  11.  Quoniam  ultimum  beatae  vitae  finem  in  sui  cognitione  repositum  esse  voluit  Dominus  (Ioan.  17,  3),  ne  quibus  ad  felicitatem  aditum  praecludere  velle  videatur,  universis  se  palam  manifestat,  ac  conspicuum  exhibet.  Nam  quum  sit  natura  incomprehensibilis,  et  ab  humana  intelligentia  procul  absconditus,  certas  suae  maiestatis  notas,  quibus,  pro  tenuitatis  nostrae  modulo,  comprehendi  queat,  singulis  suis  operibus  impressit:  sed  adeo  claras  et  illustres,  ut  sublata  sit,  quamlibet  caecis  ac  stupidis,  ignorantiae  excusatio.  Ergo  utcunque  eius  essentia  lateat,  virtutes  tamen,  quae  assidue  nobis  obversantur,  talem  delineant,  qualem  a  nobis  ipsum  percipi,  salutis  nostrae  interest.  Ac  primum,  quaquaversum  oculos  coniicias,  nulla  est  mundi  particula  in  qua  non  scintillae  saltem  aliquae  gloriae  ipsius  emicare  conspiciatur.  4)  Amplissimam  vero  hanc  et  pulcherrimam  machinam,  quam  late  patet,  uno  intuitu  lustrare  nequeas,  quin  vi  immensa  fulgoris  totus  undique  obruaris.  Quare  eleganter  autor  epistolae  ad  Hebraeos  (Hebr.  11,  3)  saecula  nuncupat  invisibilium  rerum  spectacula:  quod  nobis  vice  speculi  sit  mundi  compositio,  in  quo  invisibilem  alioqui  Deum  contemplemur.  Qua  ratione  propheta  (Psal.  19,  1)  coelestibus  creaturis  idioma  attribuit,  nullis  nationibus  incognitum:  quod  evidentior  illic  exstat  divinitatis  testificatio,  quam  ut  praeterire  gentis  ullius  vel  obtusissimae  considerationem  debeat.  Quod  clarius  enarrans  apostolus,  patefactum  esse  hominibus  dicit  (Rom.  1,  19),  quod  de  Deo  cognosci  operae  pretium  erat:  quod  invisibilia  eius,  ad  aeternam  usque  eius  virtutem  et  divinitatem,  a  creatione  mundi  intellecta  conspiciuntur.  12.  Mirificam  eius  sapientiam  quae  testentur,  innumera  sunt,  tum  in  coelo  tum  in  terris  docu-  1)  In  Phaedone  et  Theaeteto.  2)  ubi  1553  et  seq.  3)  cognitione  1553  et  seq.  4)  cernantur  1543  et  seqq.