9:285  IOHANNIS  CALvlNI  RK8PONSIO.  [pag.  22]  Multos  doctrinae  meae  esse  adversarios  neque  ignoro,  neque  miror:  quia  novum  non  est  Christo,  sub  cuius  auspiciis  milito,  multos  blaterones  obstrepere:  hoc  tantum  nomine  doleo,  quod  per  latus  meum  configitur  sacra  illa  aeternaque  Dei  veritas,  quam  reverenter  a  toto  mundo  suspici  adorarique  decebat.  Sed  quia  ab  initio  eam  video  fuisse  obnoxiam  multis  improborum  calumniis,  et  Christum,  quia  ita  decrevit  coelestis  pater,  scopum  contradictionis  esse  oportet,  hoc  quoque  patienter  ferendum  est.  Nulli  tamen  improborum  virulenti  morsus  unquam  efficient  ut  eius  n,e  doctrinae  poeniteat  ,  [pag.  23]  quam  a  Deo  auto  re  profectam  esse  certo  mihi  constat.  Nec  tam  male  in  tot,  quibus  me  Deus  ipse  exercuit  certaminibus,  profeci,  ut  ad  futiles  vestros  crepitus  adhuc  expavescam.  Imo  quod  ad  te  privatim  attinet,  larvate  monitor,  haec  me  ratio  nonnihil  solatur,  quod  in  hominem  melius  quam  dignus  eras  de  te  meritum  ingratus  esse  non  potuisti,  quin  foedam  simul  impietatem  in  Deum  proderes.  Scio  quidem  vobis  Academicis  nullum  suaviorem  esse  ludum,  quam  sub  dubitationis  specie  convellere  quidquid  est  fidei  in  cordibus  hominum:  et  quam  lepida  esse,  quae  in  arcanam  Dei  providentiam  iacis,  dicteria  tibi  persuaseris,  quamvis  ipse  dissimules,  ex  stylo  tuo  non  obscure  apparet.  Sed  te  ac  tuos  sodales  ad  tribunal  iliud  cito,  unde  olim  coelestis  iudex  solo  oris  flatusque  sui  fulmine  vestram  proterviam  satis  valide  prosternet:  [pag.  24]  ut  autem  brevi  tua  dicacitas  probis  et  cordatis  lectoribus  non  minus  foeteat  quam  tibi  intus  placet,  facturum  me  confido.  Refutationem  scripti  tui  a  me  exigis,  quod  Lutetiam  ab  urbe  helvetica  furtim  miseras,  ut  me  inscio  late  spargeretur  absque  remedio  venenum:  et  studium  aliquod  discendi  simulans,  nomen  tuum  nescio  qua  de  causa  subtices,  nisi  quod  sciebas  esse  mihi  aliquid  in  promptu,  quod  fidem  tibi  tuaeque  catervae  statim  abrogaret.  Coniicere  tamen  ex  multis  notis,  imo  animadvertere  licuit  quisnam  esses.