55:285  285  CAPUT  V.  286  latum  sibi  esse  imperium  in  collegas:  sed  potius  societate  officii  se  reliquis  esse  coniunctum.  Testis  passionum.  Potest  hoc  de  doctrina  exponi  ,  malo  tamen  ad  vitam  referre  :  quamquam  utrumque  probabile  est,  sed  posterius  hoc  ideo  magis  amplector,  quia  melius  inter  se  cohaerent  haec  duo  membra,  quod  Christi  passiones  in  carne  sua  repraesentet  Petrus,  et  futurus  sit  etiam  gloriae  consors.  Convenit  enim  haec  sententia  cum  illa  Pauli  (2.  Timo.  2,  12),  Si  compatimur,  etiam  conregnabimus.  Deinde  hoc  ad  faciendam  verbis  fidem  non  parum  valet,  quod  per  crucis  tolerantiam  fidei,  suae  experimentum  dedit.  Nam  hinc  constat  serio  eum  loqui.  Et  Dominus  quum  suos  hoc  modo  probat,  quasi  obsignat  eorum  ministerium,  ut  plus  dignitatis  et  reverentiae  habeat  apud  homines.  Huc  si  quidem  spectat  Petri  consilium,  ut  audiatur  tanquam  fidus  Christi  minister:  cuius  rei  documentum  proponit  in  persequutionibus  quas  passus  erat,  et  in  spe  futurae  vitae.  Observandum  autem  quod  Petrus  intrepide  se  consortem  gloriae  praedicat,  quae  nondum  revelata  est.  Haec  enim  est  fidei  natura,  acquiescere  in  bonis  absconditis.  2.  Pascite,  quantum  in  vobis  est.  Hinc  colligimus  quid  valeat  nomen  presbyteri:  nempe  quod  in  se  contineat  pascendi  munus.  Longe  in  alium  finem  suos  presbyteros  creat  papa,  ut  scilicet  quotidie  Christum  immolent  :  in  eorem  ordinatione  nulla  pascendi  mentio.  Proinde  meminerimus  Christi  ordinem  a  papae  confusione  discernere,  tanquam  lucem  a  tenebris.  Tenenda  est  quoque  verbi  definitio:  quia  pasci  grex  Christi  non  potest,  nisi  pura  doctrina,  quae  sola  spirituale  est  pabulum.  Quare  pastores  non  sunt  vel  mutae  larvae,  vel  qui  sua  figmenta,  quasi  mortifera  venena,  ad  necandas  animas  spargunt.  Particula  quantum  in  vobis  est,  tantundem  valet  ac  si  dixisset.  Huc  intendite  omnes  nervos,  et  quidquid  facultatis  vobis  contulit  Deus,  impendite.  Vetus  interpres  reddiderat:  Qui  in  vobis  est:  atque  hic  potest  esse  verborum  sensus:  verior  tamen  est  Erasmi  interpretatio,  quam  sequutus  sum:  et  si  alteram  illam  non  refello,  neque  improbo.  Gregem  Dei,  an  Domini,  an  Christi  legas,  parum  refert.  Nam  haec  tria  leguntur  in  diversis  codicibus.  Episcopatu  fungentes.  Erasmus  reddidit:  Curam  illius  agentes:  sed  quum  sit  graece  eTCtaxoTCoOviec,  non  dubito  quin  Petrus  ipsum  episcopatus  officium  et  nomen  exprimere  voluerit.  Colligi  etiam  potest  ex  aliis  scripturae  locis,  haec  duo  esse  synonyma,  episcopum  et  presbyterum.  Praecipit  ergo  quomodo  munus  pastorale  recte  exerceant.  Quamquam  verbum  emaxorceiv  alias  generaliter  significat  praesse,  vel  inspectionem  habere.  Ubi  posui,  non  coacte:  ad  verbum  est,  non  necessario:  quia  dum  agimus