52:285  285  CAPUT  III.  286  si  is,  qui  praeficitur  ecclesiae  Dei,  sua  elatione  in  eandem  cum  diabolo  condemnationem  ruat.  Quamquam  activam  significationem  non  reiicio,  fore  ut  diabolo  causam  sui  accusandi  praebeat.  Sed  verior  Chrysostomi  opinio.  7.  Testimonium  ab  extraneis.  Difficillimum  hoc  esse  videtur,  ut  pius  vir  testes  habeat  infideles  suae  integritatis,  qui  mentiendi  adversum  nos  libidine  insaniunt.  Sed  intelligit  apostolus,  ut,  quod  ad  externam  consuetudinem,  etiam  infideles  cogantur  eum  agnoscere  probum  virum.  Nam  etsi  omnibus  Dei  filiis  sine  causa  obtrectant:  non  possunt  tamen  sceleratum  iudicare  qui  honeste  et  innocenter  inter  eos  versatus  sit.  Talem  probitatis  notitiam  hic  Paulus  notat.  Ratio  additur,  ne  in  probrum  incidat,  ete.  Quod  ego  ita  expono,  infamiae  expositus,  perfrictae  frontis  esse  incipiat,  tantoque  maiore  licentia  se  prostituat  ad  omnem  nequitiam.  Quod  est  diaboli  plagis  se  irretire.  Quid  enim  spei  restat  ubi  nullus  est  peccandi  pudor?  8.  Diaconos  similiter  graves,  non  bilingues,  non  multo  vino  deditos,  non  turpiter  lucri  cupidos,  9.  habentes  mysterium  fidei  in  pura  conscientia.  10.  Et  hi  probentur  primum:  deinde  ministrent,  ubi  irreprehensibiles  comperti  fuerint,  ll.  Uxores  similiter  graves,  non  calumniatriceSy  sobrias,  fideles  in  omnibus.  12.  Diaconi  sint  unius  uxoris  mariti,  qui  honeste  praesint  liberis  et  domibus  suis.  13.  Nam  qui  bene  ministraverint,  gradum  sibi  bonum  acquirunt,  et  multam  Ubertatem  in  fide,  quae  est  in  Christo  Iesu.  8.  Diaconos  similiter.  Non  est  quod  variae  interpretationes  scrupulum  nobis  iniiciant.  Certum  est,  apostolum  de  iis  tractare  qui  publicam  in  ecclesia  functionem  exercent.  Quo  refellitur  eorum  opinio,  qui  ministros  domesticos  putant  hoc  nomine  designari.  Quod  autem  alii  ad  presbyteros  referunt  episcopo  inferiores,  caret  fundamento:  nam  ex  aliis  locis  patet,  commune  omnibus  presbyteris  fuisse  nomen:  idque  fateri  omnes  coguntur:  praesertim  locus  in  primo  capite  ad  Titum  eam  significationem  esse  comprobat.  Restat  ut  diaconos  intelligamus  quorum  mentionem  facit  Lucas  Actorum  cap.  6,  3:  ii  sunt  qui  curam  pauperum  habebant.  Sed  de  officio  eorum  qui  plura  volet,  petat  ex  Institutione.  Quatuor  primae  virtutes,  quibus  ipsos  vult  esse  praeditos,  satis  per  se  notae  sunt.  Nisi  quod  sedulo  notandum  est,  eum  admonere  ne  sint  bilingues:  quia  vitium  est  quod  in  illa  administratione  difficulter  cavetur:  et  tamen  ab  ea  remotissimum  (si  quod  aliud)  esse  debebat.  9.  Habentes  mysterium  fidei.  Perinde  est  ac  si  dixisset,  qui  puram  religionis  doctrinam  teneant,  et  quidem  ex  animo,  cum  serio  Dei  timore:  vel,  qui  xite  siet  in  fide  instituti:  ne  quid  ignorent  quod