51:285  285  SUR  L'EPITRE  AUX  EPHESIENS.  286  mede  qui  nous  est  ici  monstre  par  sainct  Paul,  c'est  que  nos  pechez  nous  soyent  pardonnez.  Par  cela  nous  voyons  que  nul  ne  peut  estre  aime  de  Dieu,  pource  qu'il  en  soit  digne.  Car  en  quoy  gist  l'amour  que  Dieu  nous  porte?  Nous  avons  desia  declaire  qu'il  faut  qu'il  iette  la  veue  sur  nostre  Seigneur  Iesus  Christ,  et  qu'il  n'ait  point  esgard  a  nous:  mais  cependant  ceci  est  encores  plus  expres,  que  lors  nous  sommes  agreables  a  Dieu,  quand  il  nous  quitte  nos  debtes,  et  qu'il  nous  adopte,  combien  que  nous  soyons  coulpables  de  mort  devant  luy.  Voila  donc  la  science  de  nostre  salut,  comme  il  en  est  parle  au  Cantique  de  Zacharie:  c'est  que  Dieu  nous  fait  merci,  et  qu'il  nous  pardonne  nos  fautes,  par  lesquelles  nous  luy  sommes  ennemis.  Mais  pensons  aussi  que  nos  pechez  nous  sont  tellement  remis  par  la  bonte  gratuite  de  Dieu,  que  cela  ne  se  fait  pas  sans  ceste  rancon  qui  a  este  payee  par  nostre  Seigneur  Iesus  Christ:  non  pas  ni  d'or  ni  d'argent  (comme  dit  S.  Pierre  en  sa  Canonique  premiere),  mais  il  a  falu  que  luy,  qui  estoit  l'agneau  sans  macule,  se  soit  expose  en  cest  office.  Toutesfois  et  quantes  donc  que  nous  cercherons  d'avoir  Dieu  favorable  et  propice,  dressons  tous  nos  sens  a  la  mort  et  passion  de  nostre  Seigneur  Iesus  Christ,  a  fin  que  la  nous  prenions  dequoy  appaiser  l'ire  de  Dieu.E  t  au  reste,  puis  que  nos  pechez  sont  effacez  par  un  tel  payement  et  satisfaction,  cognoissons  que  nous  ne  pouvons  rien  apporter  du  nostre,  pour  dire  que  nous  soyons  reconciliez  a  Dieu.  Et  en  cela  voit-on  comme  le  diable  par  ses  astuces  a  retranche  toute  esperance  de  salut  au  monde,  quand  il  a  fait  a  croire  qu'il  faloit  que  chacun  se  rachetast,  et  qu'on  appointast  avec  Dieu.  Et  voila  ce  qu'on  appelle  les  bonnes  oeuvres,  les  merites  et  les  vertus,  en  la  Papaute.  Car  ou  tendent  tant  d'inventions  qu'ils  ont  forgees?  Porquoy  est-ce  qu'il  se  tormentent  en  tant  de  sortes,  qu'un  homme  de  nuict  et  de  iour  ne  cessera,  mais  fera  beaucoup  de  circuits  et  discours  ?  Le  tout  revient  a  ce  but,  qu'il  faut  appaiser  Dieu.  Ainsi  toutes  les  bonnes  oeuvres  qu'on  estime  en  la  Papaute,  ne  sont  que  moyens  pour  satisfaire  a  cause  des  pechez.  Or  c'est  aneantir  ceste  rancon  de  laquelle  parle  ici  sainct  Paul.  Car  il  y  a  comme  un  lien  inseparable  entre  ces  deux  choses,  c'est  a  scavoir,  que  Dieu  iette  nos  pechez  hors  de  sa  memoire,  et  qu'ils  les  met  comme  au  profond  de  la  mer:  et  au  reste,  qu'il  recoit  le  payement  qui  luy  a  este  offert  en  la  person  ne  de  son  Fils  unique.  Nous  ne  pouvons  donc  obtenir  l'un  sans  l'autre.  Et  ainsi,  pour  avoir  Dieu  propice,  cognoissons  que  nous  luy  sommes  ennemis,  iusques  a  ce  que  par  sa  pure  liberalite  il  nous  pardonne  toutes  nos  debtes.  Et  cependant,  cognoissons  qu'il  faut  que  nostre  Seigneur  Iesus  Christ  se  constitue  la  au  milieu  :  car  le  sacrifice