50:285  285  SUR  L'EPITRE  AUX  GALATES.  286  l'obeissance  qui  luy  appartient,  et  qu'il  merite,  et  que  nous  ne  recevions  sa  Parole  avec  toute  reverence  et  sans  contredit.  Ceste  admonition  encores  nous  est  bien  utile.  Car  combien  en  voyons  nous  de  gens  volages  qui  voudroyent  que  Iesus  Christ  fust  ici  en  forme  visible?  Et  diront  assez  qu'ils  voudroyent  bien  voir  Iesus  Christ  converser  ici  bas,  et  qu'ils  accepteroyent  du  premier  coup  tout  ce  qu'il  leur  diroit:  il  ne  faudroit  qu'un  seul  mot  de  sa  bouche,  et  nous  serions  ravis:  il  ne  faudroit  point  d'autre  instruction,  ne  qu'on  fust  beaucoup  apres  nous.  Voire,  mais  voila  le  Fils  de  Dieu  qui  est  descendu,  il  s'est  acquitte  de  son  office  qui  luy  estoit  commis  de  Dieu  son  Pere,  c'est  qu'il  a  presche  l'Evangile,  lequel  il  a  assez  ratifie  par  sa  mort  et  passion.  Et  puis  estant  ressuscite,  il  a  envoye  ses  Apostres.  Maintenant  qu'il  a  tout  empire  souverain,  que  les  Anges  ployent  le  genouil  devant  luy,  qu'il  a  une  maieste  qui  surmonte  toute  gloire,  et  du  ciel  et  de  la  terre,  ne  nous  doit-il  pas  bien  suffire  de  tout  ce  qu'il  a  fait?  Quand  il  luy  plaist  de  nous  envoyer  des  hommes  mortels,  et  qu'il  met  ce  message  et  ce  thresor  inestimable  de  son  Evangile  en  des  vaisseaux  fragiles,  et  qu'il  veut  neantmoins  que  nous  les  recevions,  n'est-ce  pas  nous  mocquer  quand  nous  dirons  que  si  Iesus  Christ  estoit  avec  nous  et  en  nostre  compagnie,  que  nous  luy  voudrions  obeir?  Car  s'il  faut  que  ciel  et  terre  tremblent  sous  luy,  et  que  sa  maieste  soit  cognue  iusques  aux  diables  d'enfer,  et  cependant  nous  demeurerons  stupides  et  pretendrons  qu'il  est  trop  loin  de  nous  :  tant  y  a  quand  nous  avons  l'Evangile  qui  nous  est  presche,  la  nostre  Seigneur  Iesus  nous  monstre  assez  qu'il  ne  nous  a  point  delaissez:  et  encores  qu'il  n'habite  point  ici  bas  en  forme  visible,  que  toutesfois  nous  serons  tousiours  conioints  avec  luy,  et  que  selon  qu'il  est  nostre  chef,  qu'il  gouvernera  son  corps,  et  qu'il  y  aura  un  lien  inseparable.  Or  puis  qu'ainsi  est,  nous  avons  bien  a  luy  rendre  obeissance,  et  que  sa  resurrection  nous  touche  au  vif,  et  que  ce  soit  pour  nous  induire  a  une  telle  reverence,  que  quand  le  nom  de  Iesus  Christ  sera  prononce,  que  nous  scachions  que  c'est  le  nom  duquel  il  est  parle  au  Prophete,  par  lequel  tous  les  hommes  doyvent  iurer,  et  auquel  ils  doyvent  ployer  le  genouil.  Yoila  en  somme  ce  que  nous  avons  a  retenir,  que  nous  ne