49:285  285  CAPUT  XVI.  286  functionem,  quasi  addictae  et  obligatae  erant:  sicuti  qui  suam  operam  locans  liber  ac  sui  iuris  esse  desinit.  Unde  apostolus  violatae  fidei  arguit  eas,  quae  suscepto  semel  muneri  postea  renuntiant  (1.  Tim.  5,  l  l  )  .  Quia  autem  in  coelibatu  vivere  ipsas  oportebat,  vetat  allegi  minores  sexaginta  annis:  quia  scilicet  providebat  infra  eam  aetatem  periculosum,  imo  perniciosum  esse  votum  perpetui  coelibatus.  Functio  illa  sanctissima  et  ecclesiae  perutilis,  iabente  in  deterius  rerum  statu,  in  otiosum  monialium  ordinem  degeneravit:  qui  tametsi  a  prima  sua  origine  vitiosus  fuit,  ac  verbo  Dei  contrarius,  nunc  tamen  ab  illo  principio  adeo  defecit,  ut  non  minus  sit  discriminis  quam  inter  sacrarium  aliquod  castitatis  et  lupanar.  3.  Salutate  Priscam  et  Acylam,.  Quae  hic  nonnullis  testimonia  defert,  partim  eo  tendunt  ut,  dum  in  honore  habentur  qui  probi  sunt  ac  digni,  probitas  quoque  ipsa  honoretur,  et  ii,  qui  prodesse  plus  aliis  possunt  et  cupiunt,  autoritatem  habeant:  partim  ut  ipsi  ante  actae  vitae  respondere  studeant,  neque  in  cursu  pietatis  deficiant,  vel  etiam  languescat  pius  eorum  ardor.  Singularis  est  honor,  quem  hic  tribuit  Priscae  et  Acylae,  praesertim  in  femina.  Quo  magis  elucet  sancti  viri  modestia,  qui  in  opere  Domini  consortem  mulierem  nec  habere  dedignatur,  nec  fateri  erubescit.  Haec  autem  Acylae  ipsius  uxor  fuit,  quam  Lucas  Priscillam  nominat  (Act.  18,  2).  4.  Quibus  non  ego  solus.1)  Quia  vitae  suae  non  pepercerant  Prisca  et  Acylas  pro  tuenda  Pauli  vita,  privatim  se  illis  gratum  esse  testatur.  Addit  tamen,  ab  omnibus  Christi  ecclesiis  illis  haberi  gratiam,  ut  hoc  exemplo  Romanos  quoque  permoveat.  Merito  autem  tam  cara  et  pretiosa  cunctis  gentibus  fuit  vita  unius  hominis,  ut  erat  incomparabilis  thesaurus:  quare  mirum  non  est  si  eius  observatoribus  obstrictas  se  putarint  omnes  gentium  ecclesiae.  Quod  addit  de  ecclesia  ipsorum  domestica,  observatu  dignum  est.  Neque  enim  splendidius  ornare  potuit  eorum  familiam  quam  ecclesiae  titulo.  Nam  congregationis  nomen,  quod  Erasmus  reddidit,  mihi  non  placet:  plane  enim  liquet  Paulum  honorifice  sacro  ecclesiae  nomine  fuisse  usum.  5.  Qui  est  primitiae.  Allusio  est  ad  legales  caeremonias.  Quia  enim  sanctificantur  Deo  homines  per  fidem,  qui  primum  in  oblatione  locum  obtinent,  apte  primitiae  vocantur.  Porro  ut  quisque  prior  tempore  ad  fidem  vocatus  est,  ita  honoris  praerogativam  illi  defert  Paulus.  Verum  hoc  locum  habet,  dum  ultima  primis  respondent.  Et  certe  non  vulgaris  dignatio  est,  quum  aliquos  Deus  in  primitias  deligit.  *)  Ut  erat  insignis  gentium  thesaurus  hic  apostolus,  ita  si  gratae  esse  Deo  vellent,  magni  aestimare  ipsum  debebant.  Non  ergo  mirum  est  si  se  omnes  gentium  ecclesiae  obstrictas  putarint  vitae  eius  conservatoribus.