47:285  285  OAPDT  XII.  286  tranquillam  animis  nostris  quietem  constare,  nec  aliter  nobis  metum  et  trepidationem  eximi,  quam  ubi  Christum  inter  nos  regnare  scimus.  Alia  quidem  sunt  prophetae  verba:  nam  ad  laetitiam  et  iubilum  fideles  hortatur.  Sed  evangelista  noster  expressit,  quomodo  animi  nostri  solido  gaudio  exsultent:  nempe  ubi  ademptus  est  metus,  quo  torqueri  omnes  necesse  est,  donec  reconciliati  Deo  pacem  illam  habeant,  quae  ex  fide  nascitur  (Rom.  5,  1).  Hoc  ergo  boni  nobis  per  Christum  obtingit,  quod  liberati  a  Satanae  tyrannide,  confracto  peccati  iugo,  soluto  reatu,  morte  abolita  secure  gloriamur  regis  nostri  praesidio  freti,  sub  cuius  tutela  positis  nihil  periculi  timendum  est.  Non  quod  vacui  timore  simus  quamdiu  degimus  in  mundo,  sed  quia  fiducia,  quae  in  Christum  recumbit,  omni  timore  superior  est.  Quum  adhuc  procul  abesset  Christus,  iubebat  tamen  propheta  laetos  esse  atque  hilares  illius  saeculi  pios  homines,  quia  venturus  esset.  Ecce,  dicebat,  rex  tuus  veniet:  ergo  ne  timeas:  nunc  ex  quo  venit,  ut  fruamur  eius  praesentia,  eo  fortius  nobis  cum  timore  luctandum  est,  ut  ab  hostibus  nostris  securi  placide  et  alacriter  regem  nostrum  colamus.  Alloquebatur  suo  tempore  propheta  Sionem,  quia  illic  domicilium  erat  ac  sedes  ecclesiae.  Nunc  ex  toto  quidem  mundo  Deus  sibi  ecclesiam  collegit:  haec  tamen  promissio  peculiariter  ad  fideles  dirigitur,  qui  se  Christo  submittunt  ut  in  ipsis  regnet.  Quod  Christum  inducit  in  asino  equitantem,  significat  regnum  eius  a  mundi  pompa,  splendore,  opibus  et  potentia  alienum  fore:  idque  externa  specie  monstrari  oportuit,  ut  spirituale  esse  omnes  palam  agnoscerent.  16.  Haec  vero  non  cognoverunt  discipuli  eius  primum:  sed  quando  glorificatus  fuit  Iesus,  tunc  recordati  sunt,  quod  haec  erant  de  eo  scripta,  et  haec  fecerant  illi.  17.  Testimonium  ergo  reddidit  turba,  quae  cum  eo  erat,  quum  Lazarum  vocasset  ex  sepulcro,  et  suscitasset  eum  ex  mortuis.  18.  Propterea  occurrit  illi  turba,  quia  ipsum  audierat  hoc  signum  fecisse.  19.  Pharisaei  porro  dixerunt  inter  se:  Videtis  quod  non  proficitis  quidquam?  Ecce  mundus  post  eum  abiit.  16.  Haec  non  cognoverunt.  Quemadmodum  non  germinat  semen  simul  atque  in  terram  iactum  est,  ita  nec  statim  operum  Dei  fructus  emergit.  Ministri  Dei  sunt  ad  complendam  prophetiam  apostoli,  sed  quid  agant  non  intelligunt.  Audiunt  turbae  clamorem,  nec  illum  confusum,  sed  quod  distincte  Christus  rex  salutabatur:  non  tamen  assequuntur  quorsum  hoc  tendat,  nec  quid  sibi  velit.  Est  ergo  illis  inane  spectaculum,  donec  aperit  Dominus  oculos.  Quum  dicitur,  recordatos  esse  tandem  quod  haec  de  ipso  scripta  essent,  causa  notatur  tam  crassae