29:285  285  IN  I.  LIB.  SAMUEL.  CAP.  II.  286  HOMILIA  QUINTA.  CAR  n.  1.  Et  oravit  Anna  et  dixit  :  Exsultavit  cor  meum  in  Domino,  et  exaltatum  est  cornu  meum  in  Domino  :  dilatatum  est  os  meum  super  inimicos  meos:  quia  laetata  sum  in  salutari  tuo.  2.  Non  est  sanctus  ut  Dominus:  neque  enim  est  alius  extra  te,  et  non  est  fortis  sicut  Deus  noster.  3.  Nolite  multiplicare  loqui  sublimia  gloriantes:  recedant  vetera  de  ore  vestro:  quia  Deus  scientiarum  dominus  est,  et  ipsi  praeparantur  cogitationes.  Acceptum  a  Deo  beneficium  in  suscipienda  prole  Anna  prima  fronte  intuenti  nimium  praedicare  videri  potest.  Nam  etsi  nullum  beneficium  divinitus  datum  parvi  faciendum  est,  licet  perexiguum  illud,  quod  paterni  erga  nos  amoris  divini  sit  testimonium,  certi  tamen  sunt  beneficiorum  et  gratiarum  actionis  gradus.  Quemadmodum,  si  exempli  gratia  nos  Deus  ingenti  quopiam  periculo  eripuerit,  longe  magis  tantum  beneficium  celebrabimus,  quam  quum  gratiae  suae  continua  serie  nos  prosequitur.  Idcirco  saepe  in  sacris  quum  de  singularibus  et  memorandis  quibusdam  beneficiis  gratiae  agendae  sunt,  hae  phrases  occurrunt:  Canticis  novis  Deum  celebrate,  id  est  eximiis  et  non  usitatis.  Hoc  se  fecisse  David  a  Deo  speciali  quadam  ratione  liberatum  profitetur.  Itaque  quum  Deo  gratias  agimus,  habenda  nobis  semper  ratio  subiecti  est.  En  vero  hanc  mulierem,  magnum  quidem  beneficium  consequutam,  quum  de  sterili  prolifica  et  foecunda  facta  est,  sed  an  tantum  erat  beneficium,  natus  ipsi  infans,  quod  tantis  laudibus  efferret  atque  praedicaret?  Sane  equidem:  nam  observandum  est,  eiusmodi  esse  Dei  erga  nos  beneficia,  ut  vel  minima  nos  in  eius  admirationem  rapere  debeant,  et  eorundem  praedicationem  :  etsi  nihil  impedit  quominus  in  maxime  divinis  et  admirandis  operibus  maiorem  animi  laetitiam  gratiarum  actione  profiteamur:  et  bonitatem  eius  insigni  aliquo  facto  experti,  eandem  etiam  ardentioribus  votis  agnoscamus.  Velut,  exempli  gratia,  si  quis  gravi  aliquo  casu,  puta  morbo  vel  alia  calamitate  pressus,  a  Deo  pristinae  valetudini  restituatur,  nae  gratum  animum  peculiari  gratiarum  actione  testari  ipsum  oportet,  ita  tamen  ut  hoc  beneficium  cum  aliis  coniungat,  et  eorundem  collationem  aliquam  instituat,  his  verbis:  Domine  Deus  omnipotens,  quis  miretur  te  erga  me  miserum  homuncionem,  qui  nihil  aliud  sum  quam  terra  et  cinis,  tam  misericordem,  tamque  benignum  esse,  quum  coelum  et  terram  intuentibus,  immo  res  a  te  creatas  vilissimas  et  abiectissimas  quasque  contemplantibus,  tuae  virtutis  incomprehensae  et  misericordiae  ac  bonitatis  immensae  erga  illas  tot  sese  offerant  testi-  i