15:285  285  1553  OCTOB.  286  cum  efficitur,  sicut  ipse  unum  est  cum  Patre.  Quod  ipse  multis  in  locis  evangelii  secundum  Ioannem,  maxime  vero  Ioann.  17  cap.  testatur.  Sed  an  ideo  protinus  somniandum,  et  quae  sequuntur.  21)  Abhorremus  admodum  a  vocabulo  ineffabiliter,  incomprehensibiliter  et  similibus.  Ipse  enim  scis  antagonistas  nostros  deprehensos  in  hanc  veluti  latebram  tutissimam  sese  recipere  et  huiusmodi  nebulis  errores  suos  plerosque  conterere.  Eodem  folio  et  eadem  facie:22)  Qualis  autem  sit  corporis  et  sanguinis  Domini  communicatio  quaeritur?  Carnalem  isti  palam  et  simpliciter  asserere  non  audent.  (Imo  audent,  dicunt  enim  Christi  carnem  corporaliter  edi  ore  corporis  ineffabiliter,  neque  enim  de  modo  inquirendum  esse.  Id  quod  superius  intellexisti  ex  verbis  Lutheri).  Spiritualem  quum  dicimus,  fremunt  (quia  hanc  illi  non  agnoscunt,  sed  oppugnant  ut  quae  non  sit  satis,  neque  exprimat  doni  Dei  praestantiam  et  veritatem)  quasi  hac  voce  realem,  quam  vocant,  tollamus  (significanter  dicis:  Quam  vocant,  nimirum  adversarii).  At  hi,  quod  indubitate  constat,  per  reale  intelligunt  corporale:  realiter  praeseos  est,  id  est,  ipsum  corpus  praesens  est:  realiter  editur:  id  est,  ipsum  corpus  corporaliter,  id  est,  ore  corporis  manducatur.  Nos  ergo,  mi  Calvine,  tollimus  vocem  realiter,  quum  dicimus  spiritualiter.  Ac  nolumus  omnino  hanc  vocem  illis  ex  nostro  consensu  concedi,  in  illa  significatione  qua  hactenus  usi  sunt,  et  utuntur  etiam  hodie.  Dicis:  per  reale  intelligimus  verum  excludimusque  falsum  et  imaginationem  inanem.  Recte  tu  quidem.  Sed  isti  non  ita  intelligunt,  sufficiat  ergo  nobis  tutum  et  scripturae  et  patrum  omniumque  saeculorum  vocabulum:  Spiritus  et  spiritualiter.  Admoneantur  autem  isti  nos  per  spiritum  non  intelligere  nihil,  vanitatem  et  imperceptibiles  efficaciaque  carentes  phantasias,  sed  ipsam  Dei  sensibilem  in  mentibus  et  fructiferam  adeoque  vitalem  operationem.  Nam  spiritus  veritas  est,  non  illusio  aut  vanitas.  Spiritus  ergo  satis  realis  est,  et  satis  doni  magnitudinem  exprimit,  utcunque  non  admittamus  illis  hoc  vocabulum,  quo  tam  crasse  utuntur  atque  in  ipso  omne  suae  caussae  praesidium  collocant.  Ergo  quod  mox  subdis:  Barbare  loqui  malumus  quam  pugnis  materiam  praebere,  circumspectius  poni  oramus.  Principio  enim  admittendo  vocem  realiter  pugnas  adeo  non  vitabimus,  ut  nunc  maxime  Instauremus.  Deinde  nolumus  ita  barbare  loqui.  Quae  enim  adigit  nos  necessitas  barbaros  loquendi  modos  invehere  in  nostras  ecclesias,  propter  contentiosos  istos?  Si  vero  ipsis  placeat  loqui  barbare  in  suis  ecclesiis,  assuetis  rebus  portentosis,  atque  21)  Hic  Calvinus  explicationis  loco  pauca  verba  addidit  j��.  31.  22)  p.  32.