7:284  sepultam,  vastatam  misere  ac  laceratam  ecclesiam,  sacramenta  ad  turpem  foedumque  quaestum  prostituta,  animas  Christi  sanguine  redemptas  [pag.  81]  sacrilegae  nundinationi  expositas  esse,  ministerium  vel  pastorale  munus,  quo  nihil  mundo  magis  salutare  esse  debuerat,  in  exitialem  tyrannidem  conversum  conqueruntur  Protestantes.  Horum  omnium  malorum  papam  cum  suis  reum  faciunt,  parati  sunt  digito  monstrare,  ipsum  esse  Antichristum.  Quod  si  non  probaverint,  non  calumniae  modo  poenam,  sed  atrocissima  quaeque  supplicia  sustinere  non  recusant.  Tantum  audientiam  sibi  dari  coram  aequo  tribunali  postulant,  et  quidem  hac  lege,  ut  causa  ex  sacro  Dei  verbo  definiatur,  neque  tamen  negligantur  vetusta  patrum  instituta.  Quid  ad  haec  sanctissimus  pater?  2)  Cognitionem  quidem  recipit,  sed  his,  quas  retuli,  legibus.  Hoc  vero  perinde  est  agere,  ac  si  quis  latro  de  caedibus  ac  furtis  a  se  perpetratis  accusatus,  iudicium  se  non  recusare  dicat,  sed  hac  lege,  ut  sibi  tribunal  erigatur,  ex  quo  de  sua  causa  pronunciet,  ne  quid  se  invito  proferatur,  ne  qua  contumelia  laedatur,  ne  quibus  urgeatur  testimoniis,  sed  totam  causae  actionem  sic  temperet,  ut  scelerum  impunitatem  citra  ullam  molestiam  sibi  confirmet.  En  cur  imperiales  conventus  audiendae  huius  causae  non  sint  capaces.  46)  Secundum  est  de  bonis  ecclesiasticis,  ut  si  [pag.  82]  quid  hactenus  fuerit  in  eorum  administratione  vitii,  si  qua  illicita  usurpatio,  non  nisi  papae  iudicio  corrigatur.  Quis  frustra  papam  in  eo  insistere  neget?  Qualis  enim  aditus  patefieret  principibus  ad  res  novandas,  si  huc  admitterentur?  Palam  1)  Sic  bene  emendavit  Gallasius  ad  mentem  historiae  1  Reg.  22,  21  stq<￡.  Princeps  habet:  Achas.  2)  Princeps  minus  concinne:  Quid  ad  haec,  sanctissime  pater?  (Que  respond  a  cela  le  tres-sainct  pere,  le  Pape?)