52:284  4.  Qui  domui  suae  bene  praesit  Hinc  apparet,  non  requiri  a  Paulo  episcopum  humanae  vitae  expertem,  sed  bonum  et  probatum  patremfamilias.  Nam  utcunque  vulgo  plus  habeat  admirationis  coelibatus  et  vita  philosophica,  quae  prorsus  remota  sit  a  communi  more:  experientia  tamen  ipsa  prudentibus  quidem  et  considerans  hominibus  hoc  demonstrat,  eos  ad  regendam  ecclesiam  magis  formatos  esse  et  aptiores  qui  communem  vitam  non  ignorant,  sed  in  humanae  conversationis  officiis  sunt  exercitati.  Ideoque  observanda  est  ratio  quae  paulo  post  additur,  minime  parem  fore  gubernandae  ecclesiae  Dei,  qui  familiae  praeesse  nesciet.  Atqui  tales  sunt  permulti,  imo  fere  omnes  qui  ex  otiosa  et  solitaria  vita,  quasi  ex  latebris,  extrahuntur:  sylvestres  scilicet  quodammodo  et  nullius  humanitatis.  Non  tamen  hic  astutum  hominem  probat  apostolus,  et  rei  domesticae  callentem:  sed  qui  familiam  gubernare  didicerit  honesta  disciplina.  De  l  i  b  e  r  i  s  etiam  praecipue  loquitur,  qui  debent  pati  is  referre  ingenium.  Proinde  magnum  erit  dedecus  episcopi,  si  filios  habeat  flagitiosae  et  infamis  vitae.  De  uxoribus  aget  postea:  nunc  (ut  dixi)  praecipuam  domus  partem  attingit.  Primo  capite  ad  Titum  ostendit  quid  hic  significet  per  nomen  r  e  v  e  r  e  n  t  i  a  e  .  Nam  postquam  dixit  non  oportere  praefractos  et  immorigeros  esse  filios  episcopi,  simul  addit:  neque  obnoxios  probro  dissolutionis  aut  intemperantiae.  Vult  ergo  in  summa,  moribus  esse  ad  omnem  castitatem,  modestiam  et  gravitatem  compositis.  Argumentum  quod  sequitur  a  minore  ad  maius  per  se  clarum  est:  nequaquam  fore  parem  regendo  populo,  qui  ad  regendam  familiam  sit  ineptus.  Praeterquam  enim  quod  inde  constat,  necessariis  virtutibus  destitui:  quid  autoritatis  habere  poterit  in  populo,  quum  propria  domus  contemptibilem  eum  reddat?  6.  Non  novitium.  Quia  multi  tunc  praestanti  ingenio  et  doctrina  adducebantur  ad  fidem,  tales  Paulus  ad  episcopatum,  statim  atque  Christo  nomen  dederint,  admitti  prohibet.  Nam  ostendit  quantum  sit  in  ea  re  periculi:  ventosos  enim  fere  esse  constat,  plenosque  ostentatione.  Ita  fiet  ut  arrogantia  et  ambitio  praecipites  eos  agat.  Quod  dicit  Paulus,  nos  experimur.  Neque  enim  ad  audendum  modo  fervidi  sunt  novitii,  sed  etiam  stulta  confidentia  turgidi,  ac  si  nubes  transvolare  possent.  Proinde  non  sine  causa  ab  honore  episcopatus  arcentur,  doneG  temporis  successu  domita  sit  ingenii  altitudo.  Iudicium  diaboli  tribus  modis  interpretari  licet.  Nam  diabolum  quidam  pro  Satana  accipiunt,  alii  pro  calumniatoribus.  Priorem  sensum  magis  amplector,  quia  rarum  est  ut  iudicium  maledicentiam  significet.  Sed  rursus  iudicium  Satanae  tam  active  quam  passive  sumi  potest.  Hunc  posteriorem  sensum  Chrysostomus  sequitur,  cui  ego  facile  assentior.  Est  enim  elegans  antithesis,  quae  indignitatem  auget  :