51:284  Comment  donc  est-ce  que  Tire  de  Dieu  a  este  appaisee,  que  nous  soyons  appointez  avec  luy,  et  que  mesmes  il  nous  tienne  et  advoue  pour  ses  enfans?  C'est  quand  nos  pechez  nous  sont  pardonnez,  dit  sainct  Paul.  Et  cependant,  pource  que  la  redemption  est  requise  a  cela,  il  la  conioint  aussi.  Yray  est  que  Dieu,  quant  a.  nous,  use  de  sa  bonte  gratuite  quand  il  abolit  nos  fautes,  et  ne  cerche  aussi  aucun  payement,  mais  il  se  monstre  du  tout  liberal.  Et  de  faict,  qui  est  l'homme  qui  pourroit  satisfaire  a  la  moindre  offense  qu'il  a  commise?  Quand  donc  chacun  de  nous  appliqueroit  toute  sa  vie  a  recompenser  une  seule  faute,  et  par  ce  moyen  acquerir  grace  devant  Dieu,  il  est  certain  que  cela  surmonte  toutes  nos  facultez.  Et  ainsi,  il  est  besoin  que  Dieu  nous  recoyve  a  merci,  sans  cercher  de  nous  aucune  recompense  ni  satisfaction.  Mais  cependant  l'appointement  qui  a  este  gratuit  de  nostre  coste,  a  couste  bien  cher  au  Fils  de  Dieu:  car  il  ne  s'est  point  trouve  autre  prix,  sinon  son  sang  qu'il  a  espandu:  et  mesmes  il  s'est  constitue  nostre  plege,  et  en  corps  et  en  ame,  et  a  respondu  devant  le  iugement  de  Dieu,  a  fin  de  nous  acquerir  absolution.  Ie  di  que  nostre  Seigneur  Iesus  Christ  s'est  employe  et  corps  et  ame.  Car  ce  n'est  point  assez  qu'il  souffrist  une  mort  si  cruelle  et  pleine  d'ignominie  devant  les  hommes:  mais  aussi  il  faloit  qu'il  portast  en  soy  des  angoisses  horribles,  comme  si  Dieu  eust  este  son  iuge:  car  il  est  venu  iusques  la,  qu'il  s'est  constitue  en  la  personne  des  pecheurs  pour  accomplir  toute  satisfaction.  Voila  donc  pourquoy  sainct  Paul  a  conioint  en  ce  passage  ces  deux  mots  qui  sont  ici  contenus.  Et  ainsi  en  premier  lieu,  nous  avons  h  observer  que  nous  ne  pouvons  pas  obtenir  grace  devant  Dieu,  ni  estre  receus  de  luy,  iusques  a  ce  que  nos  pechez  soyent  effacez,  et  que  la  memoire  en  soit  du  tout  rasee.  Et  la  raison  est  celle  que  i'ay  dite,  qu'il  faut  que  Dieu  deteste  le  pecho  par  tout  ou  il  le  voit.  Ainsi,  cependant  qu'il  nous  regarde  comme  pecheurs,  il  faut  que  nous  luy  soyons  detestables:  il  n'y  a  en  nous  ni  en  nostre  nature  que  tout  mal  et  confusion.  Nous  luy  sommes  donc  ennemis,  et  luy  nous  est  contraire,  iusques  a  ce  que  nous  venions  a  ce  re-