50:284  habite:  et  malheur  a  celuy  qui  cercha  autre  Dieu.  Mais  quoy  qu'il  en  soit,  d'autant  que  nostre  Seigneur  Iesus  Christ  nous  est  apparu  en  figure  humaine,  et  qu'il  a  converse  en  ce  monde  estant  mesprise,  et  mesmes  qu'il  s'est  aneanti  iusques  a  une  mort  tant  ignominieuse,  en  laquelle  il  a  receu  toutes  nos  maledictions  sur  soy,  voila  pourquoy  il  est  dit  que  si  nous  ne  voulons  escouter  le  Fils  de  Dieu,  que  le  Pere  est  outrage:  comme  aussi  nostre  Seigneur  Iesus  le  declare,  quand  il  dit,  qui  vous  mesprise,  il  me  mesprise,  et  celuy  qui  me  reiette,  il  reiette  le  Dieu  vivant  qui  m'a  envoye.  Voici  donc  ou  se  rapporte  l'ordre  qui  est  tenu  par  sainct  Paul:  c'est  a  scavoir  que  si  nous  ne  faisons  hommage  volontaire  a  nostre  Seigneur  Iesus  Christ,  acceptant  sa  doctrine  pour  certaine  et  infaillible,  que  Dieu  est  viiipende,  et  que  nous  ne  pouvons  dire  que  nous  ne  veuillions  adorer:  car  il  reiettera  tout.  Et  pourquoy?  Nostre  rebellion  sera  assez  convaincue  (comme  i'ay  desia  dit),  si  nous  separons  le  Fils  d'avec  son  Pere.  Or  notamment  sainct  Paul  adiouste  que  Iesus  Christ  a  este  ressuscite  des  morts,  a  fin  que  son  Apostolat  ne  fust  pas  moins  prise,  et  qu'aussi  on  le  conioignist  au  nombre  et  en  la  compagnie  des  autres,  comme  il  y  avoit  este  adioint  depuis  que  Iesus  Christ  n'habitoit  plus  ici  bas.  Car  (comme  desia  nous  avons  touche)  voila  que  luy  reprochoyent  ces  faux  Apostres  qui  estoyent  venus  pour  tout  pervertir.  Et  comment?  Il  n'a  pas  este  disciple  du  Fils  de  Dieu  comme  Pierre  et  Iean:  c'est  un  avorton.  Et  comment  monstrera-il  qu'il  tiene  de  Iesus  Christ  ce  qu'il  presche?  Sainct  Paul  declare  que  s'il  se  faut  enquerir  de  l'authorite  de  noste  Seigneur  Iesus  Christ,  que  sa  Resurrection  ne  la  doit  point  avoir  amoindrie.  Il  est  vray  que  nostre  Seigneur  Iesus  estant  humilie,  ayant  ce  voile  de  la  nature  humaine  dont  sa  gloire  estoit  comme  cachee,  n'a  pas  este  amoindri  en  soy  :  car  nous  scavons  que  les  Anges  l'ont  recognu  pour  leur  roy  souverain,  combien  qu'il  fust  en  une  estable,  et  qu'il  fust  la  iette  en  terre  comme  une  creature  desnuee  de  toute  aide:  nous  voyons  que  les  estoilles  du  ciel  luy  ont  rendu  tesmoignage.  Bref,  tousiours  la  maieste  de  nostre  Seigneur  Iesus  Christ  a  este  assez  approuvee,  cependant  qu'il  a  este  en  ce  monde.  Mais  quoy  qu'il  en  soit,  si  est-ce  qu'il  y  a  eu  une  gloire  plus  excellente  en  sa  resurrection:  comme  il  est  dit  au  premier  chapitre  des  Romains,  qu'alors  ii  a  este  declare  Fils  de  Dieu.  Et  nous  avons  veu  aussi  en  la  seconde  des  Corinthiens,  que  s'il  a  souffert  sous  l'infirmite  de  sa  chair,  qu'il  est  ressuscite  en  la  puissance  admirahle  de  l'Esprit  de  Dieu.  Ainsi  donc  sainct  Paul  monstre  que  si  nostre  Seigneur  Iesus  Christ  ne  converse  pas  auiourd'huy  entre  nous,  qu'il  ne  faut  pas  pour  cela  que  sa  maieste  soie  amoindrie  ou  obscurcie,  que  nous  ne  luy  rendions