5:284  non  potest,  quanto  studio  excitari  te  inflammarique  oporteat,  ne  quid  in  obeundis  eius  muniis  diligentiae  reliquum  facias.  Non  enim  ea  est,  quae  aut  torpere  hominem  ac  desidere  sinat,  cuius  humeris  incubuerit,  aut  levi  perfunctoriaque  opera  contenta  sit.  In  praefecturis  quidem  et  satrapiis,  quibus  familiares  suos  reges  honorant,  otiosam  saepius  dignitatem  spectare  licet:  at  quos  Dominus  ad  regendam  ecclesiam  suam  vocat,  iis  administrationem  demandat,  negotii,  curae,  sollicitudinis  plenam:  nisi  vero  ideo  facilem  esse  iudicamus,  quia  paucissimis  verbis  apud  prophetam  perstringitur:  ubi  Dominus  iubet  accipi  ab  ore  suo  verbum,  [pag.  50]  et  ex  se  populo  adnunciari.  Sed  huic  paucorum  verborum  imperio  quantum  subsit  ponderis,  Dominus  noster  indicavit,  eos  demum  familiae  suae  oeconomos  officio  suo  respondere  testatus  (Luc.  12,  42),  qui  in  reddenda  procurationis  ratione,  duas  non  vulgares  virtutes,  fidem  ac  diligentiam  approbare  possint.'  Enimvero  hic  plerosque  videmus  hallucinari,  qui  dum  adnunciandi  verbi  munus  sibi  demandatum  audiunt,  praeclare  se  defunctos  putant,  si  qualemcunque  populo  verbi  gustum  praebuerint  :  minime  autem  animadvertunt,  aut  quale  adnunciari  verbum  velit  Dominus,  aut  quam  adnunciandi  rationem  statuat.  Atqui  non  exiguum  quiddam  ab  ecclesiae  suae  ministris  requirit  Dominus,  quum  eos  dicit  (Is.  b2,  6)  se  posuisse  custodes,  qui  nec  die  nec  nocte  quiescant,  quin  perpetuo  excubent  ad  eam  protegendam.  Deinde  quales  ipsos  agere  excubias  velit,  per  alterum  quoque  prophetam  (Ez,  33,  7)  declarat:  nempe,  ut  populo  quietem  agente  ipsi  quasi  e  specula  eminus  circumspiciant,  ne  qua  improvisa  calamitas  incautos  opprimat  :  sed  quae  impendere  pericula  viderint,  longe  ante  denuncient,  ut  sit  eorum  providentia  non  secus  ac  omnes  ecclesiae  oculi:  eorum  vox,  non  aliter  atque  clangor  tubae,  in  cuius  signum  intenta  sit  civitas  universa.  Quanquam  ne  his  quidem  adhuc  finibus  tota  episcopi  functio  continetur,  sed  omnes  eius  partes  semel  complexus  est  Dominus,  ubi  pascendi  verbo  designavit,  quum  Petrum  pascendis  suis  ovibus  praeficeret  (Ioann.  21,  15).  Nam  ut  Platonem  et  Homerum  omittamus  (qui  plurimas  regis  dotes  melius  exprimere  non  possunt,  quam  dum  ποιμένα  λαῶν  vocant)  sacrae  literae,  dum  omnem  pietatis,  amoris,  suavitatis,  sollicitudinis  afFectum  complecti  volunt,  pastoris  nomine  haec  omnia  simul  enunciant:  plus  utique  aliquid  significantes,  quam  si  vel  patrem,  vel  praesidem,  vel  ducem,  y  el  custodem  dicerent.  Siquidem  pastor  et  deducendi,  et  regendi,  et  servandi  non  solum  curam  gerit,  sed  quodammodo  etiam  pater  est.  Neque  temere  reperiri  possit  in  patris  visceribus  tantus  amoris  ardor,  quantum  Dominus  noster  pastori  tribuit,  quum  bonum  pastorem  dicit  animam  pro  ovibus  suis  ponere  (Ioann.  10,  11).  Itaque  ipse  quoque  cuius  sanguine  pascimur7  pastoris  titulo  a  pro-