49:284  Mariam,  quae  multum  laboravit  erga  nos.  7.  Salutate  Andronicum  et  Iuniam,  cognatos  meos  et  concaptivos  meos,  qui  sunt  insignes  inter  apostolos:  qui  etiam  ante  me  fuerunt  in  Christo.  8.  Salutate  Ampliam  dilectum  meum  in  Domino.  9.  Salutate  TJrbanum  adiutorem  nostrum  in  Christo,  et  Stachyn  dilectum  meum.  10.  Salutate  Apellen  probatum  in  Christo:  salutate  eos,  qui  sunt  ex  Aristobuli  familiaribus,  ll.  Salutate  Eerodionem  cognatum  meum:  salutate  eos,  qui  sunt  ex  Narcissi  familiaribus,  hos,  qui  sunt  in  Domino.  12.  Salutate  Tryphaenam  et  Tryphosam,  quae  laborant  in  Domino:  salutate  Persidem  dilectam,  quae  multum  laboravit  in  Domino.  13.  Salutate  Rufum  electum  in  Domino,  et  matrem  illius  ac  meam.  14.  Salutate  Asyncritum,  Phlegontem,  Hermam,  Patrdbam,  Mercurium,  et  qui  cum  his  sunt  fratres.  15.  Salutate  Philologum  et  Iuliam,  Ner  eum  et  sororem  eius,  et  Olympam,  et  qui  cum  his  sunt,  omnes  sanctos.  16.  Salutate  vos  invicem  in  osculo  sancto.  Salutant  vos  ecclesiae  Christi.  1.  Commendo  autem  vobis,  ete.  Bona  pars  huius  capitis  in  salutationibus  consumitur:  quae  quoniam  nihil  habent  difficultatis,  supervacuum  esset  in  illis  prolixe  immorari.  Ego  ea  tantum  attingam,  quae  nonnullam  expositionis  lucem  requirent.  Principio  commendat  Phoeben,  cui  epistolam  perferendam  dabat  Commendat  autem  primum  eam  ab  officio,  quia  honestissimo  ac  sanctissimo  ministerio  in  ecclesia  fungeretur:  deinde  alteram  causam  affert  cur  illam  suscipere  omnibusque  officiis  prosequi  debeant:  quia  se  illa  semper  omnibus  piis  impenderit.  Quia  ergo  ministra  est  Cenchreensis  ecclesiae,  eo  nomine  ipsam  in  Domino  suscipi  iubet.  Et  quum  addit,  ut  dignum  est  sanctis1),  innuit  fore  indignum  Christi  servis,  si  nullum  ei  honorem  nullamque  benignitatem  exhibeant.  Et  sane  quum  omnia  Christi  membra  dilectione  complecti,  tum  vero  eos,  qui  publicam  in  ecclesia  functionem  gerunt,  et  colere  et  singulari  amore  atque  honore  prosequi  decet.  Deinde  quemadmodum  illa  semper  officiosa  fuit  erga  omnes,  ita  ei  nunc  vicissim  in  suis  negotiis  opem  auxiliumque  ferri  iubet.  Est  enim  humanitatis,  eum,  qui  natura  propensus  est  ad  beneficentiam,  si  quando  ope  aliorum  indigeat,  non  destituere.  Ac  quo  magis  animos  eorum  inclinet,  se  quoque  inter  eos  numerat  quibus  illa  benefecit.  Porro  ministerium  hoc,  de  quo  loquitur,  quale  fuerit,  ipse  alibi  docet  (1.  Timoth.  5,  9).  Quemadmodum  enim  ex  publico  ecclesiae  aerario  alebantur  pauperes:  ita  publico  officio  ourabantur.  Ad  hanc  curationem  legebantur  viduae,  quae  domesticis  oneribus  solutae,  nullis  liberis  impeditae,  totas  se  Deo  et  pietatis  officiis  consecrare  cupiebant:  itaque  receptae  in  hanc  *)  decet  sanctos