10.1:284  lle  tuus  Machliniensis,  et  tuo  nomine  [pag.  27]  manum  iniecit  meis  possessionibus,  et  reum  me  deinde  peragere  non  dubitavit.  Tua  vero  maiestas  iudicare  potest,  an  iusta  sit  haec  causa,  cur  me  tam  atrociter  persequantur.  Scio  equidem  et  alias  duas  causas  congeri,  quod  scilicet,  te  adventante,  discesserim  Colonia,  adversus  tuum  interdictum.  Quumque  mandassevS  Argentoratum  relinquerem,  quod  pedem  tamen  inde  non  moverim:  proptereaque  me  inobedientiae  convictum.  Quod  ad  priorem  causam  attinet,  Caesar,  existimo  fuisse  tibi  meis  literis  satisfactum,  quod  et  aequissima  fuerit,  quam  proposui,  excusatio  et  verissima  iudicari  possit,  si  de  mei  discessus  tempore  inquiratur.  Certe  medici,  frustra  tentatis  omnibus  aliis  remediis,  ad  balnea  me  relegarant,  quumque  intuerentur  illam  meam  imbecillitatem,  in  quam  longo  morbo  debilitatus  incideram,  properandum  quantum  possem  consuluerant:  habita  quoque  ratione  affecti  et  propemodum  fracti  corporis,  ut  iter  eligercm  minus  asperum,  praeceperant.  Et  sane  quum  mihi  equi  aut  cursus  l)  decussio  non  esset  tolerabilis,  Rhenum  conscendi:  quia  navigatio  mollior  futura  erat.  Solvi  igitur  Colonia,  nullo  certe  consilio  vitandae,  Caesar,  tuae  praesentiae:  sed  coactus  gravissima,  ut  iam  dixi,  necessitate.  Neque  vero  [pag.  28]  tum  nota  mihi  erat  tua  voluntas.  Quum  longe  progressus  essem,  et  Argentorato  iam  appropinquarem,  tunc  primum  literas  a  tua  maiestate  accipio  :  quibus  iubebas  mo  Coloniae  tuum  adventum  praestolari.  Caeterum  ut  eo  redirem,  nullo  modo  facere  potui.  Sic  enim  de  via  lassus,  deque  longo  itinere  fractus  eram,  ut  hic  lecto  affixus  multo  tempore  fuerim,  sine  ulla  fere  longioris  vitae  spe.  Certum  est  itaque,  me  non  potuisse  iter  bidui  conficere,  quin  mihi  capitalis  fuisset  haec  loci  mutatio.  Sic  itaque,  Caesar,  iudicari  non  possum,  tuo  mandato  non  paruisse,  quum  Colonia  discederem.  Neque  enim  illud  acceperam:  nec,  nisi  re  confecta,  quid  velles  intellexi:  quod  facile,  ubi  permiseris,  probare  mihi  promptum  erit.  Ut  ad  secundum  caput  veniam,  misisti  ad  me,  Caesar,  nobilem  quendam  virum  tuae  curiae,  cum  litteris  et  fiduciario  mandato.  Is  a  tua  maiestate  mandatum  se  habere  dixit,  ut  intelligeret  ecquid  v  alerem,  cur  huc  venissem,  et  quid  deinceps  facere  instituerem:  simul  etiam  me  moneret  obliquae  suspicionis,  qua  notabar  religionis  nomine,  quo  de  ea  tuae  maiestati  me  purgarem.  Verum  idem  potuit,  Caesar,  certum  ferre  testimonium  de  mea  valetudine,  qua  me  tum  laborantem  vidit,  isque  unus  locuples  erit  [pag.  29]  testis,  quod  paulo  ante  dixi,  esse  verissimum.  Si  enim  tum  quoque,  quum  iam  convalescere  inciperem,  usque  adeo  tamen  infirmus  adhuc  eram,  facile  certoque  inde  coniicere  licuit,  1)  currus?