9:283  283  RESPONSIO  ALTERA  DE  OCCFLTA  DEI  PROVIDENTIA.  284  trina  tua  perhibent,  admonentque  homines  ut  de  doctrina  ista  ex  fructu  iudicent.  Dicunt  autem  te  et  tuos  discipulos  ferre  multos  fructus  Dei  tui:  esse  enim  pierosque  litigatores,  vindictae  cupidos,  iniuriae  tenaces  et  memores,  caeterisque  vitiis,  quae  Deus  tuus  suggerit,  praeditos.  Quod  si  quis  eis  respondet,  non  esse  doctrinae  vitium,  quippe  quae  sana  sit,  nec  tales  homines  gignat,  respondent  eam  gignere  tales  homines,  idque  ex  eo  perspicuum  fieri,  quod  multi  postquam  in  doctrinam  istam  concesserunt,  tales  efficiuntur,  quum  antea  minus  mali  fuissent,  lam  vero  doctrinae  Christi  qui  credebant,  reddebantur  meliores:  sed  tua  doctrina  aiunt  homines  manifeste  fieri  deteriores.  Praeterea  quum  dicitis  vos  habere  sanam  doctrinam,  respondent  non  esse  vobis  credendum.  Si  enim  Deus  vester  saepissime  aliud  dicit,  aliud  cogitat  et  vult,  metuendum  esse  ne  vos  Deum  vestrum  imitantes,  idem  faciatis,  atque  homines  decipiatis.  [pag.  20]  Equidem  favi  ego  aliquando  doctrinae  tuae,  Calvine,  eamque,  quamvis  non  satis  mihi  perspicuam,  defendi,  quod  tantum  tribuebam  autoritati  tuae,  ut  vel  contra  cogitare  putarem  nefas:  sed  nunc  auditis  adversariorum  argumentis,  non  habeo  quod  respondeam.  Conantur  quidem  discipuli  tui  respondere,  et  inter  suos  quos  habent  faventes,  veritatem  audacter  iactant:  verum  ubi  ad  adversarios  ventum  est,  vacillant,  et  praesidium  ex  libris  tuis  petunt,  sed  debile.