8:283  283  DE  AETERNA  DEI  284  subsequenti  hominum  cursu,  ut  sola  tamen  eius  misericordia  (quae  iacentes  erigit,  errantes  reducit  in  viam,  imo  in  vitam  suscitat  mortuos,  et  vocat  quae  non  sunt)  principatum  teneat.  Sequitur  alterum  de  reprobis  membrum,  quorum  maxime  illustre  exemplar  in  Pharaone  proponitur.  Porro  de  eo  sic  loquitur  Deus  apud  Moysen:  In  hoc  constitui  te,  ut  tibi  ostenderem  potentiam  meam.  Pro  quo  fideliter  Paulus  tanquam  verbum  verbo  reddidit:  In  hoc  excitavi  te.  Est  enim  verbum  HIPHIL  deductum  a  radice  [pag.  58]  AMAD,  quod  Stare  significat.  1)  Productus  ergo  in  medium  dicitur  Pharao,  in  quo  Deus  memorabile  suae  potentiae  specimen  ederet.  Unde  porro  eum  Dominus  accepit,  ut  eo  loco  statueret?  Mavult  Pighius,  quod  Deus  morte  dignum  sua  patientia2)  ad  tempus  sustinuerit.  Quod  effugium  ut  illi  permittam,  perplexus  tamen  adhuc  in  eo  tenetur,  quod  Deus  Pharaonem  proprio  ingenio  relinquens,  eum  exitio  destinabat.  Patientiam  Dei  si  commendet  Pighius,  assentior:  manet  tamen  interim  istud  fixum,  in  hunc  finem  sepositos  Dei  consilio  esse  reprobos,  ut  suam  in  illis  potentiam  demonstret.  Quanquam  id  nimis  a  Pauli  mente  remotum  esse,  ex  proxima  illatione  apparet:  quod  Deus  quem  vult,  indurat.  Neque  enim  hoc  fuisset  adiectum,  nisi  sub  verbo  illo  Statui  vel  Excitavi,  comprehenderet  Paulus  Dei  consilium,  quo  Pharao  ad  redemptionem  populi  sua  contumacia  illustrandam  ordinatus  erat.  Nam  si  quis  dicat,  in  fastigium  regii  honoris  divinitus  evectum  esse:  est  hoc  quidem  aliquid,  sed  non  totum.  Nam  graeci  interpretes  eodem  hic  verbo  usi  sunt,  quo  solent  reddere  verbum  HIPHIL  a  m  dice  KUM  deductum,  quod  Surgere  significat.8)  Porro  excitare  dicitur  Deus,  quod  velut  porrecta  manu  ad  finem  suo  consilio  ordinatum  deducit.  Maxime  tamen  ad  initium  rei  de  qua  agitur  scriptura  respicit,  ut  illud  uni  Deo  adscribat  [pag.  59].  Ita  dicitur  et  prophetas,  et  salutis  ministros  excitare:  ne  quid  horum  sibi  vindicet  hominum  industria.  Itaque  fideliter  expressus  fuit  sensus  Moysis  Excitandi  verbo:  modo  ita  accipias.4)  Nec  vero  aliter  accepit  Paulus.  Certe,  quod  de  electis  et  reprobis  attigerat,  non  minus  distincte  quam  summatim  complectitur:  quum  hoc  iuris  et  potestatis  Deo  vindicat,  ut  suo  arbitrio  induret  vel  misereatur.  Indurandi  vel  miserendi  ius  penes  ipsum  esse  pronunciat:  nec  legem  illi  imponi  fas  esse:  quia  nulla  lex  vel  regula  melior  vel  aequior  quam  eius  voluntas  fingi  possit.  Sed  quia  olim  putarunt  nonnulli,  induci  a  Paulo  impios  Deo  obstrepentes,  ad  hoc  asylum  se  1)  Pro  quo  fideliter  .  .  .  .  significat  omitt.  in  gallico.  2)  potentia  Beza  et  Amst.  3)  Nam  graeci  significat  abest  a  gallico.  4)  Itaque  fideliter  .  .  .  .  accipias  om.  in  versione.