6:283  RESPONSIO  CONTRA  PIGHIUM  nobis  nihil  facit  prorsus  reliqui?  Ubi  ergo  liberum  hominis  arbitrium,  [pag.  7ol  quod  a  Cypriano  astruitur?  Nempe  quia  sponte  et  peccare  et  bene  facere  hominem  intelligebat,  utcunque  peccando  Satanae  serviret,  sub  cuius  tyrannide  captivus  teneretur,  et  ad  bene  vivendum  spiritu  Dei  regeretur,  non  proprio  carnis  motu.  Non  de  nomine  hic  quaeritur,  sed  de  facultate  liberi  arbitrii.  Porro  quanti  eam  aestimaverit  Cyprianus,  tum  praeclara  illa  vox,  quam  nuper  retulimus,  toties  ab  Augustino  celebrata,  et  qua  omne  genus  meriti  prorsus  excludi  pronunciat,  tum  alter  locus  ostendit.  Quando,  inquit,  rogamus,  ne  incidamus  in  tentationem,  admonemur  imbecillitatis  et  infirmitatis  nostrae:  dum  sic  rogamus,  ne  quis  se  insolenter  extollat,  ne  quis  sibi  superbe  atque  arroganter  aliquid  assumat,  ne  quis,  aut  confessionis,  aut  passionis  gloriam  suam  ducat:  quum  Dominus  dixerit:  Vigilate  et  orate,  ete,  ut  dum  praecedit  humilis  et  submissa  confessio,  et  datur  totum  Domino,  quidquid  suppliciter  cum  timore  et  honore  Dei  petitur,  ipsius  pietate  praestetur.  Quid  hic  arrogantiam  vocat  Cyprianus?  non  modo  totum  sibi  arrogare,  sed  aliquid  penitus  sumere.  Venio  ad  Hilarium:  cuius  primus  locus  naturam  hominis,  nulla  corruptionis  facta  mentione,  describit.  Atqui  haec  exceptio  mihi  semper  est  ad  manum:  aut  noluisse  eum  negare  pravitatem,  quae  ex  originali  peccato  ingenita  est  hominibus:  aut  si  negare  voluerit,  ab  ecclesiae  consensu  dissidere.  Quum  autem  nihil  illic  propositum  habeat,  nisi  ut  excusationem  tollat  hominibus,  ne  malorum  suorum  culpam  in  Deum  reiiciant,  nihil  mirum  si  ad  primam  suam  originem  eos  revocat,  quo  se  ipsos,  suumque  liberum  arbitrium  accusare  discant,  cui  acceptum  ferre  debent,  quod  mali  sunt.  Sed  cur  de  humanae  naturae  ruina,  cur  de  eius  per  Dei  gratiam  reparatione  nullum  verbum?  Viderit,  inquam,  ipse  Hilarius,  quomodo  consilii  sui  rationem  reddat.  Mihi  satis  est,  si  palam  facio,  non  ita  nobis  adversari,  sicut  fingit  Pighius,  [pag.  71]  Quod  autem  voluntati  non  coactionem,  aut  vim  extrinsecam,  sed  necessitatem  opponit,  nihil  difficultatis  est  in  ea  re.  Siquidem  necessitatis  nomine,  non  miseriam,  cui  addictus  est  homo  per  peccatum,  sed  externam  causam,  quae  cogat  fieri  quod  fit,  sine  dubio  significat.  Secundo  loco,  non  quid  valeat  hominis  arbitrium,  exclusa  Dei  gratia,  disputat,  sed  homini  toto  vitae  praesentis  cursu  spatium  et  locum  dari  commemorat  confitendi  Deo:  quae  facultas  morte  finiatur.  Id  suis  verbis  aliter  quidem  exprimit,  hunc  tamen  esse  sensum  verborum,  iudicare  cuivis  promptum  fuerit.  Loco  tertio,  neque  tribuit  gratiae  Dei  quantum  decebat,  et  ad  hominem  transfert,  quod  Deus  tanquam  suum  vindicat:  nempe  cor  inclinare  in  obedientiam  legis.  Quae  autem  eum  causa  impulerit,  ut  sic  tum  hic,  tum