55:283  283  EPIST.  PETRI  I  284  locum  illum  adducere  voluerit  Petrus,  sive  tritam  ac  proverbialem  sententiam  (quod  mihi  probabilius  est)  citaverit,  sensus  est,  formidabile  Dei  fore  iudicium  adversus  impios,  quum  tam  spinosa  et  difficilis  sit  electis  via  ad  salutem.  Hoc  autem  ideo  dictum  est,  ne  secure  delitiemur,  sed  in  peragendo  cursu  nostro  simus  solliciti  :  deinde  ne  molle  ac  delicatum  iter  appetamus,  cuius  finis  erit  horrendum  praecipitium.  Porro  quum  dicit  iustum  vix  servari,  hoc  ad  praesentis  vitae  difficultates  referri  debet.  Nam  cursus  noster  in  mundo,  tanquam  periculosa  navigatio  est  inter  multos  scopulos,  multisque  procellis  ac  tempestatibus  infesta.  Nemo  itaque  ad  portum  pervenit,  nisi  qui  effugerit  ex  mille  mortibus.  Interea  certum  est  nos  regi  Dei  manu,  nec  esse  nobis  periculum  a  naufragio,  quamdiu  illum  habemus  gubernatorem.  Quare  absurdi  fuerunt  interpretes,  qui  putarunt  nos  aegre  ac  difficulter  servandos  esse,  ubi  ad  Dei  iudicium  ventum  fuerit.  Praesens  enim  tempus,  non  futurum  Petrus  designat  :  nec  Dei  rigorem  praedicat,  sed  docet  quot  et  quam  ardua  discrimina  superanda  sint  homini  christiano,  priusquam  ad  metam  pertingat.  Peccator  hic  pro  scelerato  capitur:  quemadmodum  iustos  nominat,  non  qui  penitus  absoluti  sint  in  iustitia,  sed  qui  recte  vivere  student.  19.  Itaque  qui  patiuntur.  Concludit,  aequo  animo  ferendas  esse  persequutiones,  quia  in  illis  facilior  multo  est  piorum  conditio  quam  infidelium,  quum  prosperis  rebus  ad  votum  fruuntur.  Reducit  tamen  in  memoriam,  nihil  nisi  Dei  permissu  nos  pati:  quod  multum  ad  consolationem  valet.  Quum  dicit,  animas  suas  Deo  commendent,  perinde  est  ac  si  dixisset,  se  ipsos  ac  vitam  suam  tradant  in  fidem  Dei.  Porro  eum  vocat  fidum  possessorem,  quia  fideliter  servat  ac  tuetur  quidquid  in  tutelam  suam  vel  dominium  recepit.  Alii  conditorem  vertunt:  et  xitaxyjc  utrunque  Graecis  significat.  Sed  prior  sensus  mihi  magis  placet:  quia  dum  vitam  nostram  deponi  iubet  apud  Deum,  ipsum  eius  custodem  facit.  Addit,  in  benefaciendo,  ne  fideles  illatas  sibi  iniurias  retalient,  sed  potius  benefaciendo  certent  cum  improbis  a  quibus  laeduntur.  CAPUT  Y.  1.  Presbyteros  qui  inter  vos  sunt,  hortor  ego  qui  simul  sum  presbyter,  et  testis  passionum  Christi,  et  gloriae  quae  revelabitur,  particeps:  2.  pascite,  quantum  in  vobis  est,  gregem  Dei:  episcopatu  fungentes  non  coacte,  sed  voluntarie:  neque  turpis  lucri  causa,  sed  liberaliter:  3.  nec  tanquam  dominium  exercentes  adversus  cleros,  sed  ut  sitis  exemplaria  gregis.  4.  Et  quum  apparuerit  princeps  pastorum,  reportabitis  immarcessibilem  gloriae  coronam.