51:283  283  SERMON  IV  284  engravee  en  nos  coeurs  (comme  il  sera  encores  declare  ci  apres)  alors  nous  avons  un  bon  gage  et  infaillible,  que  Dieu  iusques  en  la  fin  nous  conduira.  Et  puis  qu'il  a  commence  a  nous  introduire  au  chemin  de  salut,  qu'il  nous  amenera  iusques  a  la  perfection  ou  il  nous  appelle,  voire  d'autant  que  sans  luy  nous  ne  pourrions  pas  avoir  une  perseverance  d'un  seul  iour.  Or  nous  nous  prosternerons  devant  la  maieste  de  nostre  bon  Dieu  etc.  QUATRIEME  SERMON.  Chap.  I,  v.  7.10.  Nous  avons  expose  ci  devant,  que  nous  ne  pouvons  pas  estre  aimez  de  Dieu  sinon  par  le  moyen  de  son  Fils  unique.  Car  si  les  Anges  de  paradis  ne  sont  pas  dignes  que  Dieu  les  advoue  pour  ses  enfans,  sinon  par  le  moyen  d'un  chef  et  mediateur,  que  sera-ce  de  nous  qui  ne  cessons  par  nos  iniquitez  de  provoquer  chacun  iour  Tire  de  Dieu,  comme  de  faict  nous  bataillons  contre  luy?  Il  faut  bien  donc  que  Dieu  nous  regarde  en  la  personne  de  son  Fils  unique:  autrement  qu'il  nous  haysse,  et  qu'il  nous  ait  comme  en  detestation.  Brief,  nos  pechez  font  une  telle  distance  entre  Dieu  et  nous,  que  nous  ne  pouvons  pas  approcher  de  luy  qu'incontinent  nous  ne  sentions  sa  maieste  toute  contraire,  et  comme  armee  pour  nous  abysmer  du  tout.  Mais  il  reste  maintenant  de  voir  comment  Dieu  nous  recoit  en  sa  grace  par  le  moyen  de  nostre  Seigneur  Iesus  Christ.  Et  c'est  ce  que  sainct  Paul  adiouste,  que  nous  avons  en  luy  redemption  par  son  sang,  voire  remission  des  pecher  (dit-il)  selon  les  richesses  des  graces  de  Dieu.  Ici  en  premier  lieu  nous  sommes  admonnestez  que  l'inimitie  que  Dieu  nous  porte  n'est  point  de  nature,  mais  pour  nostre  corruption.  Ie  di  de  nature:  oar  selon  que  Dieu  nous  a  creez,  il  est  certain  qu'il  ne  nous  peut  pas  hayr  :  mais  pource  que  l'homme  s'est  perverti  et  qu'il  s'est  abandonne  a  tout  mal,  il  faut  que  Dieu  nous  soit  comme  ennemi  mortel  et  comme  partie  adverse,  iusques  a  ce  que  la  memoire  de  nos  pechez  soit  ensevelie  devant  luy.  Car  nous  sommes  coulpables  de  mort  eternelle,  iusques  a  ce  que  nous  soyons  restaurez:  pource  qu'il  faut  que  Dieu,  qui  est  la  fontaine  de  toute  iustice  et  droiture,  deteste  le  mal  qu'il  voit  en  nous.  Iusqu'a  tant  donc  que  nos  pechez  soyent  effacez,  il  est  impossible  que  nous  puissions  esperer  que  Dieu  nous  porte  ni  faveur  ni  amour.  Or  notons  que  S.  Paul  met  ici  deux  mots  pour  exprimer  comment  nous  sommes  reconciliez  avec  Dieu.  Il  met  la  rancon,  ou  redemption,  qui  vaut  tout  un:  et  puis  il  met  la  remission  des  pechez.