50:283  283  SERMONS  284  et  des  chiens  muets,  il  est  certain  que  comme  ils  se  mocquent  vil  ei  o  ement  du  nom  de  Dieu  et  abusent  de  sa  maieste,  qu'aussi  on  les  peut  reietter  et  les  avoir  en  mespris:  et  mesmes  qu'on  les  doit  tenir  pour  detestables,  d'autant  que  faussement  ils  pretendent  le  nom  de  Dieu:  voila  donc  ce  que  nous  avons  a  retenir  de  ce  passage.  Or  notamment  sainct  Paul  dit  qu'il  est  envoye  de  Iesus  Christ  et  de  Dieu  son  Pere  qui  Va  ressuscite  des  morts.  Quand  il  dit  qu'il  est  envoye  de  Iesus  Christ,  c'est  pour  nous  ramener  a  ce  que  desia  nous  avons  touche,  c'est  a  scavoir  que  si  nous  desirons  d'obeir  a  Dieu  et  luy  estre  subiets,  qu'il  faut  que  nous  embrassions  nostre  Seigneur  Iesus  Christ  pour  l'escouter,  comme  il  est  le  seul  maistre,  et  que  grans  et  petis  se  rengent  a  luy  et  a  sa  doctrine:  car  qui  n'honore  point  le  Fils,  ii  n'honore  point  le  Pere,  comme  il  est  dit  au  5.  chap.  de  S.  Iean.  Et  ceci  est  bien  notable,  pour  ce  que  chacun  voudra  qu'on  pense  qu'il  honore  Dieu,  et  ne  demande  sinon  de  se  tenir  sous  son  ioug.  Mais  cependant  nous  voyons  que  le  monde  bataille  contre  l'Evangile,  et  que  nul  n'y  peut  acquiescer:  quand  il  est  question  que  Iesus  Christ  nous  appelle  a  soy,  chacun  fera  du  revesche,  nous  sommes  tant  sauvages  qu'il  ne  nous  peut  apprivoiser:  nostre  infidelite  est  par  trop  convaincue  en  cela,  et  nous  monstrons  que  nous  mesprisons  Dieu,  quelque  belle  protestation  que  nous  ayons  faite  auparavant:  car  il  nous  renvoye  a  son  Fils,  et  dit  que  nous  le  baisions  pour  luy  faire  hommage.  Or  cependant,  comme  nous  le  voyons,  et  que  l'experience  le  monstre  par  trop,  chacun  se  voudra  exempter  de  la  subietion  de  nostre  Seigneur  Iesus  Christ.  Sainct  Paul  donc  nous  monstre  quelle  maieste  il  y  a  en  Iesus  Christ,  c'est  a  scavoir  que  nous  devons  trembler  sous  sa  parole,  et  avoir  la  bouche  close  si  tost  qu'il  a  parle,  pour  recevoir  sans  replique  aucune  tout  ce  qu'il  enseigne,  et  ce  qui  est  procede  de  luy.  Et  sans  cela  ii  est  certain  que  Dieu  reiette  toutes  les  protestations  que  nous  scaurons  faire  de  le  vouloir  servir  et  honorer.  Ainsi  nous  sommes  exhortez  en  ce  passage  de  nous  adonner  pleinement  a,  nostre  Seigneur  Iesus  Christ,  puis  qu'il  est  nostre  pasteur,  pour  monstrer  la  que  nous  sommes  vrayement  ses  brebis,  que  nous  oyons  sa  voix,  discernans  la  voix  des  estrangers.  Mais  quand  Dieu  se  declare  tellement  a.  nous  que  nous  scavons  que  nostre  Seigneur  Iesus  Christ  nous  appelle,  qu'un  chacun  suyve,  et  que  nous  monstrions  que  vrayement  nous  sommes  de  son  troupeau.  Voila  donc  ce  que  nous  /avons  a  retenir.  Or  pource  qu'il  y  a  une  telle  ingratitude  en  beaucoup,  qu'ils  ne  se  peuvent  renger  mesmes  au  Fils  de  Dieu,  sainct  Paul  propose  ici  de  superabondant  le  nom  de  Dieu  le  Pere.  Il  est  vray  qu'en  Iesus  Christ  toute  plenitude  de  divinite