49:283  283  EPIST.  PAULI  AD  ROMANOS  284  sectum  habere  debeant  preces  piorum  pro  fratribus:  ut  scilicet  recipiant  eorum  in  se  personam,  ac  si  in  eadem  constituti  essent  necessitate:  postremo  etiam  quem  habeant  effectum,  indicat.  Qui  enim  fratrem  Domino  commendat,  ille  partem  eius  necessitatis  ad  se  recipiendo  tantundem  eum  sublevat.  Et  sane  si  robur  nostrum  est  in  nominis  Dei  invocatione  positum,  non  possumus  fratres  melius  confirmare  quam  nomen  Dei  super  ipsos  invocando.  31.  Ut  ministerium  meum  erga  Ierusalem.  Sic  ipsum  criminando  profecerant  delatores,  ut  sollicitus  etiam  esset,  ne  parum  gratum  e  manibus  suis  esset  munus,  quod  alioqui  in  tanta  necessitate  valde  opportunum  erat.  Atque  hinc  apparet  mirifica  eius  mansuetudo,  quod  non  desinit  pro  iis  laborare,  quibus  an  sit  gratificaturi  dubitat.  Hunc  animum  imitari  nos  oportet,  ut  neque  iis  desinamus  benefacere,  de  quorum  gratitudine  parum  certi  sumus.  Et  notandum  quod  sanctorum  nomine  dignatur,  quibus  ne  suspectus  sit  ac  ingratus,  timet.  Sciebat  etiam  sanctos  quoque  posse  interdum  falsis  delationibus  in  sinistras  opiniones  abripi:  et  quamquam  sibi  iniuriam  facere  sciat,  honorifice  tamen  de  ipsis  loqui  non  desinit.  Quum  addit  ut  yeniam  ad  vos,  significat  ipsis  quoque  utilem  fore  hanc  precationem,  et  eorum  referre  ut  non  interficiatur  in  Iudaea.  Eodem  spectat  particula  cum  gaudio.  Futurum  enim  erat  hoc  quoque  utile  Bomanis,  eum  hilarem  et  omni  moerore  vacuum  ad  ipsos  accedere,  quo  animosius  magisque  strenue  suam  operam  illis  impenderet  Ac  per  verbum  refodUandi,  vel  acquiescendi,  iterum  ostendit  quam  certo  sit  de  fraterno  eorum  amore  persuasus.  Particula,  per  Dei  voluntatem,  admonet  quam  necesse  sit  incumbere  precibus:  quia  solus  Deus  vias  omnes  nostras  sua  providentia  dirigit  Deus  autem  palcis.  Ex  nota  universali  coniicio,  non  simpliciter  eum  optare  ut  Deus  Bomanis  adsit  ac  faveat,  sed  ut  singulos  eorum  gubernet.  Nam  epithetum  pacifici  ad  praesentem  circumstantiam  referri  arbitror,  ut  Deus,  pacis  autor,  omnes  simul  contineat  CAPUT  XVI.  1.  Commendo  autem  vobis  Phoeben  sororem  nostram,  quae  est  ministra  ecclesiae  Cenchreensis,  2.  ut  eam  suscipiatis  in  Domino,  ut  dignum  est  sanctis,  et  adsitis  ei  in  quocunque  vobis  eguerit  negotio.  Etenim  ipsa  quum  multis  affuit,  tum  etiam  mihi  ipsi.  3.  Salutate  Priscam  et  Acylam,  cooperarios  meos  in  Christo  Iesu:  4.  qui  pro  anima  mea  suam  ipsorum  cervicem  posuerunt:  quibus  non  ego  solus  gratias  ago,  sed  etiam  omnes  ecclesiae  gentium:  5.  et  domesticam  eorum  ecclesiam.  Salutate  Epaenetum  mihi  dilectum,  qui  est  primitiae  Achaiae  in  Domino,  6.  Salutate