20:283  283  EPISTOLAE  4092.4094  284  foerit  cessandi  excusatio,  quae  hodie  quoque  magna  ex  parte  durat.  Quanquam  enim  sedatus  est  lateris  dolor,  sic  tamen  fi  egmatibus  obruti  sunt  pulmones  ut  difficilis  et  concisa  sit  respiratio.  *)  Calculus  iam  duodecim  dies  vesicam  occupat,  estque  valde  infestus.  Accedit  anxia  dubitatio,  quia  nullis  medicamentis  hactenus  abigi  potuit.  Optimum  compendium  esset  equitatio:  sed  ulcus  in  venis  hemorrhoicis  sedentem  quoque  et  in  lecto  iacentem  acerbe  cruciat,  tantum  abest  ut  equi  agitatio  mihi  sit  tolerabilis.  Podagra  quoque  hoc  triduo  molesta  mihi  fuit.  Non  miraberis  itaque  si  tot  dolores  me  ignavum  reddant.  Ad  cibum  sumendum  aegre  compellor.  Yini  sapor  amarus.  Sed  dum  volo  officio  perfungi  nihil  aliud  quam  taedii  materiam  tibi  adfero.  De  rebus  gallicis  Beza  scripturum  se  recepit  :2)  ideo  supersedeo  ne  actum  agam.  Unum  duntaxat  mysterium  attingam.  Audisti  pridem  Regem  proficisci  in  Lotharingiam.3)  Causa  etiam  ipsis  aulicis  occulta  fuit:  quae  nuper  ab  eo  qui  ultro  citroque  mandata  pertulit  mihi  fuit  patefacta.  Legatus  Regis  qui  est  apud  Imperatorem,4)  qui  aliquando  apud  vos  fuit  quum  esset  Abbas  8.  Laurentii,  spes  amplas  et  magnificas  ostentat  Reginae  matri  a  rege  Maximiliano:  verum  interea  stipulatur  ne  quid  Regina  prae  se  ferat  se  sperare.  Itaque  non  dubito  quin  se  Cardinali  Lotharingo  venditet.  Postquam  enim  deiectus  est  aliis  consiliis,  unicam  hanc  rationem  sibi  superesse  existimat,  si  tempus  extrahat  eiusmodi  ambagibus.  Non  alia  mihi  videtur  in  hac  profectione  fraus  latere,  vel  proditio,  nisi  ut  Reginam  matrem  vana  spe  lactet,  ac  se  insinuet  ad  suscipienda  quae  nunquam  expediet  negotia.  Abuti  enim  Boschetellum  regis  Maximiliani  nomine  satis  liquet,  quod  pueriliter  admonet  Reginam  matrem  ut  omnia  prorsus  dissimulet  ac  supprimat.  Iam  iussis  et  difficultas  anhelitus  vocem  mihi  4092.1)  Vide  quae  ex  Vita  a  Beza  conscripta  ad  N  4077  excerpsimus.  Pergit  ille  I.  h:  Secunda  die  Aprilis  qui  dies  erat  Paschae,  quamvis  prostratis  viribus  tamen  sellula  in  templum  delatus  toti  concioni  interfuit,  coenam  Domini  ex  mea  manu  accepit,  eoque  vultu  hymnum  cum  aliis  quanquam  tremula  voce  cecinit,  ut  non  obscura  laetitiae  signa  in  moribundi  vultu  elucerent.  2)  Vide  praecederent.  3)  Languet  d.  d.  17.  Mart  Epp.  II.  288:  Regina  tandem  exsequitur  institutum  suum  visendae  filiae  in  Lotharingia.  Nam  die  Lunae  proxima  tota  aula  discessit  ex  arce  Fontainebleau,  Sens  versus,  inde  per  Troyes  et  Chaalons  petitura  Lotharingiam  Celebraturi  sunt,  ut  audio,  festum  resurrectionis  Catalauni,  quod  distat  unius  diei  itinere  ab  oppido  Bar-le-Duc  in  quo  excipientur  a  duce  Lotharingiae.  Ex  eo  loco  constituerunt  proficisci  Lugdunum  per  Burgundiam,  et  inde  Narbonensem  Galliam  invisere.  Cf.  Soldan  II.  199.  4)  Bern.  Bochetel  episc.  Rhedonensis,  qui  Elisabetham  Maximiliani  IL  filiam  Carolo  IX.  desponsandam  curare  iussus  fuerat.  Quod  tamen  demum  a.  1570  factum  est.