10.1:283  APOLOGIA  Quod  si  mihi  aditus  patuisset,  Caesar,  ad  cogitationes  meas  tibi  aperiendas,  praeclare  certe  mecum  actum  putassem:  neque  id  tam  privatae  meae  excusationis  causa,  quam  ut  officio  erga  te  meo  defungerer.  Sentio  enim,  tam  communi  subditorum  lege,  quam  peculiari  quod  tibi  dixi  sacramento,  obligatum  esse  me,  ut  si  quid  scire  tua  intersit,  ne  id  tibi  per  me  tegatur.  Sed  quia  non  abs  re  verebar,  ne,  si  te  monendum  [pag.  25]  susciperem  quam  vitiata  multis  partibus  sit  religio  quae  hodie  vulgo  obtinuit,  mihi  praeclusa  esset  via,  utcunque  perperam  obrepsisse,  claris  argumentis  ostenderem,  quod  adversa  iam  esseb  persuasione  occupatus:  amplexus  sum,  quod  proprium  erat,  subsidium  :  ut  mea  discessione  docerem,  quam  alienissimum  me  esse  ab  iis  imposturis,  quibus  intelligo  nihil  quam  iram  Domini  provocari  adversus  omnes  qui  illis  communicant.  Quanqunm  itaque,  Caesar,  discessus  te  meus,  quod  nullam  eius  rationem  prius  reddiderim,  offenderit,  spero  tamen  aliquando  boni  te  consulturum,  quod  a  me  factum  est.  Interim  me  hoc  apud  Deum  consolatur,  ex  tua  nobilitate  primum  fuisse  me,  qui  re  ipsa  magis  quam  verbo  professus  sim,  alienum  animum  ab  iis  habere,  quae  quum  Dei  honorem  graviter  laedant,  non  possunt  tuae  maiestati  non  esse  perniciosa.  Denique  conscientia,  quam  in  hisce  rebus  sequutus  sum,  me  ab  omni  culpa  vindicat.  Et  res  ipsa,  opinione  mea,  vitio  mihi  dari  non  debet.  Superest  ut  de  eo,  in  quem  me  recepi,  loco  verba  faciam:  et  qualem  vitam  omnibus  in  locis  egerim.  Si  me  in  hostilem  ditionem  contulissem,  nonnullius  esset  maledicentiae  locus.  Ego  vero  primum  diverti  in  civitatem  tuam  Coloniensem,  [pag.  26]  ubi  innocenter  et  citra  cuiusquam  offensionem  ita  vixi,  ut  iure  nemo  de  me  queri  possit.  Quinimo  archiepiscopus  princepsque  Coloniensis  elector,  quum  vitae  ac  morum  meorum  certior  esset  factus,  maiori  me  humanitate  et  favore  dignatus  est,  quam  ab  eo  postulare  ausus  essem:  eodemque  a  se  proficiscentem  est  prosequutus.  Qua  ex  re  perspicue  intelliges  rationem  vivendi  nostram  illic  honestissimam  fuisse,  et  ab  omni  sinistra  nota  remotam.  Spero  enim  a  te,  Caesar,  non  improbatum  iri  eius  in  me  principis  propensum  favorem,  quasi  testem  spectatae  ab  eo  integritatis  meae.  Si  de  magistratu  Coloniensi  agatur:  spero  idem  fore,  ut  existimationem  meam  suo  testimonio  non  laedat.  Inde  morbo  coactus,  Argentoratum  profectus  sum,  civitatem  illam  tui  certe  imperii  non  postremam:  ut  vereri  non  debuerim,  ne  aut  novum,  aut  ingratum  id  tibi  esse  posset.  Si  aut  Parisiis  agerem,  aut  Venetiis:  non  existimarer  eo  nomine  quidquam  gravius  adversus  tuam  maiestatem  commisisse.  Quanto  itaque  magis  mihi  permissum  erit,  in  ea  civitate  habitare,  quae  tui  sit  imperii  et  ditionis?  Atqui,  Caesar,  hac  praecipue  ratione  senatus