52:282  dixi,  ab  ordine  episcopali  arceri  polygamiam  a  Paulo?  quia  signum  sit  hominis  libidinosi,  et  fidem  coniugalem  non  servantis.  Verum  hic  obiicitur,  non  debuisse  quod  in  omnibus  est  vitiosum,  in  solis  episcopis  damnari  vel  prohiberi.  Solutio  facilis  est,  non  ideo  protinus  aliis  fieri  licentiam,  quum  episcopis  nominatim  hoc  interdicitur.  Neque  enim  dubium  est  quin  Paulus  in  universum  damnaverit  quod  cum  perpetua  Dei  lege  pugnabat.  Fixum  enim  est  decretum:  Erunt  duo  in  carnem  unam.  Sed  potuit  in  aliis  utcunque  tolerare  quod  in  episcopo  nimis  turpe,  ideoque  non  ferendum  fuisset.  Neque  enim  hic  lex  in  posterum  sancitur,  ne  episcopus,  qui  unam  habet  uxorem,  secundam  aut  tertiam  inducat:  sed  ab  ordine  episcopali  repellit  Paulus  quicunque  tale  flagitium  admiserint.  Quod  itaque  iam  factum  corrigi  non  poterat,  fert  coactus,  sed  nonnisi  in  plebe.  Quid  enim  remedii?  an  secundas  ac  tertias  uxores  repudiassent,  qui  sub  Iudaismo  in  polygamiam  se  coniecerant?  Atqui  tale  repudium  non  caruisset  iniuria.  Quod  ergo  integrum  non  erat,  intactum  reliquit  :  tantum  excepit,  ne  quis  episcopus  tali  macula  adspersus  esset.  Sobrium.  Erasmus  reddidit  vigilantem.  Quando  VYj^ucAeoc  Graecis  utrumque  significat,  eligant  utrum  volent  lectores.  S&^pova  malui  reddere  temperantem  quam  sobrium:  quia  aoecppoaovrj  latius  patet  quam  sobrietas.  Compositus  est,  qui  decenter  et  honeste  se  gerit.  Hospitalitas  est  erga  extraneos:  cuius  frequentior  apud  veteres  usus  fuit.  Turpe  enim  fuisset  honestis  hominibus,  et  praesertim  notis,  in  cauponas  divertere.  Hodie  alia  ratio,  est  tamen  semperque  erit  virtus  haec  in  episcopo  multas  ob  causas  necessaria.  Adde  quod  in  crudeli  piorum  vexatione  necesse  fuit  multos  subinde  mutare  locum:  ideoque  domos  episcopales  necesse  fuit  esse  exsulum  perfugia.  Imo  ecclesias  ipsa  temporum  necessitas  ad  mutuum  levamen  coegit,  ut  aliae  aliis  praeberent  hospitia.  Porro  nisi  in  hoc  officii  genere  viam  aliis  monstrassent  episcopi,  plerique  humanitatem  illorum  exemplo  neglexissent:  atque  ita  exanimati  fuissent  miseri  exules.  Aptum  ad  docendum.  Doctrinae  in  epistola  ad  Titum  expressior  fit  mentio:  hic  tantum  breviter  dexteritatem  ponit.  Neque  enim  satis  est  si  quis  recondita  eruditione  polleat,  nisi  accedat  etiam  docendi  gratia,  Multi  enim,  vel  quia  linguae  sunt  impeditae,  vel  quia  non  satis  perspicacis  ingenii,  vel  quia  non  satis  populares,  intus  suppressum  retinent  quod  norunt.  Tales  sibi  (ut  aiunt)  et  musis  canere  decet.  Qui  populi  regendi  curam  habent,  ad  docendum  appositi  sint  oportet.  Neque  vero  linguae  tantum  volubilitas  hic  requiritur:  nam  plerosque  videmus  disertos,  quorum  prompta  loquacitas  nihil  habet  aedificationis:  sed  potius  commendatur  prudentia,  ut  scite  ad  usum  populi  accommodetur  Dei