51:282  Aussi  de  nostre  coste,  c'est  le  miroir  auquel  il  nous  faut  ietter  les  yeux  et  la  veue,  si  nous  voulons  parvenir  a  la  cognoissance  de  nostre  election.  Car  quiconque  croit  en  Iesus  Christ,  il  est  enfant  de  Dieu,  et  par  consequent  de  ses  heritiers,  comme  nous  avons  declare.  Ils  s'ensuit  donc  si  nous  avons  la  foy,  que  nous  sommes  aussi  adoptez.  Car  pourquoy  Dieu  nous  donne-il  la  foy  ?  C'est  pource  qu'il  nous  avoit  eleus  devant  la  creation  du  monde.  Cest  ordre  donc  est  infaillible,  c'est  a  scavoir  que  les  fideles,  d'autant  qu'ils  recoyvent  la  grace  et  acceptent  la  misericorde  de  Dieu,  qu'ils  tiennent  Iesus  Christ  pour  leur  chef,  a  fin  d'obtenir  salut  par  son  moyen:  ceux-la  cognoissent  comme  Dieu  tes  avoit  adoptez.  Il  est  vray  que  l'election  de  soy  est  secrete,  c'est  un  conseil  si  profond  et  cache  qu'il  nous  le  faut  adorer.  Mais  tant  y  a  que  Dieu  nous  le  declare  entant  que  besoin  est,  et  qu'il  cognoist  nous  estre  utile  pour  nostre  salut:  et  fait  cela  quand  il  nous  illumine  en  la  foy  de  l'Evangile.  Yoila  donc  pourquoy  S.  Paul,  apres  avoir  parle  de  l'election  eternelle  de  Dieu,  nous  propose  Iesus  Christ,  comme  celuy  auquel  il  nous  faut  adresser  pour  estre  asseurez  que  Dieu  nous  aime  et  nous  advoue  pour  ses  enfans  :  et  par  consequent  qu'il  nous  avoit  adoptez  devant  que  nous  l'ayons  cognu,  et  mesmes  devant  que  le  monde  fust  cree.  Et  au  reste,  nous  avons  a  recueillir  de  ce  passage,  que  la  doctrine  de  la  predestination  n'est  pas  pour  nous  transporter  en  des  speculations  extravagantes,  mais  que  c'est  pour  abatre  tout  orgueil  en  nous,  et  ceste  opinion  de  dignite  et  de  merites  que  nous  concevons  tousiours  :  c'est  pour  monstrer  que  Dieu  a  telle  liberte  et  privilege,  et  un  empire  souverain  sur  nous,  qu'il  peut  reprouver  ceux  que  bon  luy  semble,  et  elire  aussi  ceux  qu'il  luy  plaist,  et  que  par  ce  moyen  nous  sommes  induits  a  le  glorifier:  et  cependant  cognoistre  que  c'est  en  Iesus  Christ  qu'il  nous  a  eleus,  a  fin  d'estre  retenus  sous  la  foy  de  son  Evangile.  Car  si  nous  sommes  ses  membres,  et  que  nous  le  tenions  pour  nostre  chef,  comme  il  s'est  allie  avec  nous,  et  qu'il  y  a  ceste  union  sacree,  laquelle  ne  peut  iamais  estre  rompue  quand  nous  croyons  a  son  Evangile,  il  faut  que  nous  venions  la  a  fin  d'estre  asseurez  de  nostre  salut  :  pource  que  nous  voyons  et  sentons  par  experience,  que  Dieu  nous  avoit  adoptez  et  nous  avoit  eleus  :  et  que  maintenant  il  nous  appelle  et  nous  declaire  que  ce  n'est  point  une  chose  frustratoire  que  le  tesmoignage  qu'il  nous  a  rendu,  et  nous  rend  tous  les  iours  par  l'Evangile,  qu'il  veut  estre  nostre  Pere:  et  sur  tout  quand  il  engrave  cela  par  son  sainct  Esprit.  Car  l'Evangile  se  preschera  bien  a  tous,  mesmes  aux  reprouvez:  mais  cependant  Dieu  ne  leur  fait  point  ceste  grace  speciale  de  les  toucher  au  vif.  Quand  donc  nous  avons  nostre  adoption