5:282  artibus  liberalissime  expolitum:  tum  vero  reliquiae,  quas  in  te  semper  residere  confido,  pristinae  tuae  pietatis  :  quam  et  ingenti  cum  fructu,  nec  sine  admiratione  olim  mihi  spectatam,  vere  assevero.  Tentemus  igitur  quantum  apud  te,  aliosque  nondum  deploratae  caecitatis  homines,  possit  Dei  veritas:  hoc  prius  a  Domino  ipso  comprecati,  ut  te  pariter  ac  eos  castigatione  sua  corrigere  malit  quam  frangere.  Felicem  te  omnes,  fortunaeque  alumnum  praedicant,  ob  novum  istum  episcopatus  honorem:  qui  praeter  insigne  illud  praesulis  nomen  ac  decus,  cuius  maiestati  passim  assurgitur,  cuius  l)  gratia  illustres  conciliantur  amicitiae,  cuius  autoritate  plurimae  clientelae  comparantur,  magnarum  quoque  opum  ingentem  proventum  tibi  sit  allaturus:  unde  non2)  privatos  modo  vitae  sumptus  sustinere,  sed  multorum  etiam  sublevare  egestatem,  beneficentiamque  in  commune  exercere  liceat:  atque,  ut  nimium  in  hanc  [pag.  48]  partem  fere  creduli  sumus,  tibi  forte  persuadent.  Ego  vero  dum  reputo  quale  sit  illud  totum  quod  vulgi  opinione  tanti  aestimatur,  calamitatem  ex  animo  tuam  miseror:  eoque  magis,  quod  sub  felicitatis  specie  sic  fallit,  ne  miserum  te  esse  cernas.  Ille  enim  ordinis  vestri  splendor,  illa  maiestate  plena  veneratio,  opulentia  illa,  domesticus  nitor,  amplum  famulitium,  quando  quidem  ab  hominibus  proficiscuntur,  quale  sit  vestratis  populi  de  ipso  iudicium,  ostendunt:  at  sane  Dei  iudicium,  a  quo  episcopatuss)  ipse  profectus  est  et  institutus,  primo  loco  requirendum  erat.  Quare,  ubi  illa  omnia  audies  quae  solent  ad  tibi  gratulandum  commemorari,  popularis  illud  trutinae  examen  esse  memineris:  in  quo  ea  saepius  praeponderant,  quae  in  Dei  trutina  nec  appenduntur:  in  aestimando  autem  episcopi  munere,  populo  neque  recte,  neque  tuto  credi:  iudicium  unius  Dei  esse  audiendum,  cuius  et  autoritate  constitutum  est  illud,  et  legibus  definitum.  Atque  adeo  si  animum  serio  ad  Dominum  advertere  libet,  diffluant  inanes  illi  omnes  fumi,  tibique  penitus  evanescant  oportet:  qui  si  qua  in  parte  haereant  tuae  cogitationis,  oculos  non  impedient  modo,  sed  oblimabunt,  quominus  spectare  ad  liquidum  queant  illam,  quam  Dominus  proponet  veritatem.  Nihil  aequius  cogitari  potest  hoc  meo  postulato.  Verum  ad  tantam  aequitatem  adeo  nulli  sunt  attenti,  ut  neque  primo,  neque  secundo,  nec  postremo  quidem  loco,  quam  a  Domino  provinciam  acceperint,  cogitent.  In  mitra  partim,  et  lituo,  et  pallio,  et  anpulo,  reliquaque  eiusmodi  supellectile  defixae  sunt  omnium  mentes:  partim  vero,  et  quidem  altius,  in  illis  facultatibus,  quibus  et  domesticus  splendor,  et  populosa  1)  Edd.  1576.1611  habent,  cum.  2)  Eaedem  legunt:  nos.  3)  Sic  sola  'princeps.  Caeterae  omnes  habent:  episcopus  (ies  Evesques  G.).