41:282  est  quid  prophetae  dicant  de  illis  terris,  quod  scilicet  relegatus  fuerit  Esau  in  montes  asperos,  quod  etiam  Moabitis  Deus  assignaverit  suos  fines  extra  terram  benedictam.  Soli  ergo  Iudaei  peculiari  iure  et  privilegio  obtinuerant  terram  illam,  in  qua  Dominus  etiam  pollicitus  fuerat  sibi  fore  quietem.  Nunc  quum  vastatur  Iudaea,  et  quum  hostes  pro  libidine  non  tantum  abripiunt  quidquid  est  pretiosum  in  urbibus  et  pagis,  sed  etiam  videntur  quasi  data  opera  terram  ipsam  redigere  in  vastitatem,  et  hoc  illis  permittit:  quid  poterant  coniicere  Iudaei?  Ergo  angelus  occurrit  his  scandalis,  et  lenit  quidquid  tristitiae  et  moeroris  concipere  poterant  fideles  ex  horrendis  illis  cladibus,  ac  dicit  terram  Edom,  et  terram  Moab,  et  terram  filiorum  Ammon  fore  ab  illis  calamitatibus  tutas  et  tranquillas.  Quantum  attinet  ad  initium  filiorum  Ammon,  verisimile  est  notari  recessum,  unde  traxerant  Ammonitae  originem.  Nam  Romani  haud  dubie  non  pepercissent  Ammonitis,  nisi  quatenus  erant  quasi  reconditi  in  montibus:  itaque  quidquid  erat  vicinum  Iudaeae,  hoc  etiam  subiectum  fuit  iisdem  aerumnis.  Qui  de  Antichristo  intelligunt,  hic  fabulantur  solos  fideles  tutos  fore,  qui  profugi  erunt  ex  mundo,  et  qui  in  deserta  conscendent.  Sed  illud  omni  ratione  caret.  Sufficiat  ergo  genuinus  ille  sensus  quem  retuli.  Postea  adiungit  Romanos  missuros  manum  suam  in  terras,  ita  ut  non  evadat  etiam  terra  Aegypti.  Non  dubium  est  quin  hic  concionetur  angelus  de  plurimis  victoriis,  quas  exiguo  tempore  adepti  sunt  Romani.  Nam  diu  quidem  bellum  gesserant  cum  Mithridate,  et  fere  tunc  amissa  fuit  Asia:  sed  postea  iterum  extendere  coeperunt  manus  suas,  nunc  in  totam  Asiam,  postea  in  Syriam:  tandem  adiuncta  illis  fuit  Armenia,  postea  Aegyptus  subacta  fuit:  interea  erat  tantum  modica  accessio,  et  versus  Persas  etiam  dominati  sunt,  et  formidabilis  erat  ipsorum  potentia.  Impletum  igitur  fuit  hoc  vaticinium,  quod  extenderint  manus  suas  in  multas  regiones:  ita  ut  terra  Aegypti  etiam  cesserit  illis  in  jpraedam.  Sequitur,  43.  Et  dominabitur  (semper  loquitur  quasi  de  uno  rege,  sed  quemadmodum  admonui,  regnum  ipsum  intelligi  debet,  dominabitur  ergo)  thesauris  auri,  et  argenti,  et  omnibus  desiderabilibus  (hoc  est,  omnibus  rebus  pretiosis)  Aegypti,  et  Lybiae,  et  Aethiopiae  in  gressibus  suis.  Confirmat  quod  iam  vidimus,  nempe  quamvis  multae  gentes  conentur  Romanis  obsistere,  tamen  fore  omnium  victores,  ita  ut  undique  magnas  praedas  et  rapinas  contrahant.  Scimus  quanta  fuerit  ipsorum  avaritia  et  cupiditas:  ideo  dicit  dominaturos  thesauris  auri  et  argenti:  deinde,  quidquid  pretiosum  erit  in  Aegypto,  Lybia  et  Aethiopia  ad  se  tracturos,