25:282  natio  in  Israel:  secundum  hoc  tempus  dicetur  de  Iacob  et  Israele:  Quid  operatus  est  Deus?  24.  En  populus  tanquam  leo  surget,  et  tanquam  leunculus  elevabitur:  non  accubabit  donec  comederit  praedam,  et  sanguinem  occisorum  biberit.  13.  Tunc  dixit  ad  eum  Balac.  Facit  Balac  quod  solent  fere  omnes  superstitiosi.  Nam  quia  nihil  illis  certum  est  vel  firmum,  per  varias  speculationes  circumaguntur,  nunc  hoc,  nunc  illud  tentant.  Praesertim  vero  in  aspectu  vim  aliquam  magicam  subesse  imaginantur:  ac  si  oculi  partem  efficaciae  darent  exorcismis.  Et  illud  olim  vulgi  opinione  receptum  fuit,  plurimum  ad  incantationes  pollere  intuitum:  sicut  apparet  ex  profanis  scriptoribus.  Transfert  ergo  Balac  alio  suum  ariolum,  ut  illic  melius  suas  divinationes  exerceat.  In  verbis  quaedam  est  ambiguitas.  Sunt  qui  sic  exponunt:  Veni  in  alium  locum,  ut  illinc  videas,  ex  parte  videas,  non  totum,  ac  si  metueret  Balac  ne  ipsa  multitudo  terreret  Balaam,  vel  frangeret  vim  incantationum.  Probabilior  tamen  eorum  est  sententia  qui  verbum  Videre  secundo  loco  in  tempore  praeterito  accipiunt,  ut  sensus  sit:  Yeni  in  locum  ex  quo  aspicias:  quoniam  hactenus  non  vidisti  totum,  sed  ex  parte  duntaxat.  Scimus  enim  quam  frequens  sit  apud  Haebraeos  temporum  conversio.  Quod  ad  locum  pertinet  in  quem  deductus  fuit  Balaam,  parum  interest  propria  an  appellativa  nomina  esse  credamus  D^H  mu?  et  mDDn:  quia  satis  liquet,  si  loco  indita  fuerint,  imposita  fuisse  pro  situ.  Nam  in  colle  planitiem  fuisse  verisimile  est,  quae  merito  vocari  posset  Ager  speculatorum.  17.  Venit  itaque  ad  eum.  Interrogat  Balac  quidnam  responderit  Deus,  qui  tamen  iam  oraculum  prius  respuerat.  Sic  hypocritae  prae  se  ferunt  valde  anxiam  sollicitudinem  in  quaerenda  Dei  voluntate:  cuius  tamen  cognitio  illis  est  intolerabilis.  Ita  maxima  illorum  ad  inquirendum  sedulitas  nihil  aliud  est  quam  mera  simulatio.  Adde  quod  responsum  Dei  ex  longinqua  divinatione  venatur  Balac:  quum  tamen  in  corde  insculptum  esset  testimonium  voluntatis  Dei.  Sed  haec  est  iusta  perversae  curiositatis  ultio,  dum  impii  volunt  Deo  legem  imponere,  ut  suis  votis  subscribat.  In  externis  caeremoniis  nihil  omittit  Balac:  suppliciter  ad  altaria  Deo  placando  dat  operam:  sed  interea  vult  illum  sibi  esse  morigerum,  nec  aliter  eum  audire  sustinet  quam  si  fallaces  blanditias  proferat.  18.  Tunc  assumpsit  parabolam.  Diximus  quid  valeat  haec  loquutio,  nempe  magnificum  splendorem  prae  se  ferre  in  sermone,  quo  magis  attentus  sit  auditor.  Quo  etiam  spectat  praefatio:  Audi  Balac,  ausculta  fili  Sippor.  Nam  geminationes  istae,  ut  plurimum  sunt  emphaticae,  et  aliquid  non  vulgare  spirant.  Iam  quum  negat  Deum  mentiri  posse,