20:282  turbarum  occasionem.  Noster  vicinus  sex  peditum  signa  apud  Bressanos  nobis  vicinos  populos  suae  ditionis  collegit.  Eo  ipse  venturus  dicitur,  ut  regem  futurum  suum  compatrem  in  transitu  salutet.  Dominus  suos  confirmet  et  omnia  mala  consilia  infringat.  Sed  de  his  hactenus.  Ex  septem  studiosis  quos  nobis  commendaras  tres  tantum  huc  venerunt.  Caeteros  audimus  Basileae  substitisse,  ubi  saltem  hoc  commodi  consequentur  quod  Castalionem  non  invenient.  Pecuniam  ad  me  nullam  attulerunt,  nec  ego  ab  eis  poposci.  Tu  scribes  quod  factum  voles.  Faciemus  enim  officium,  et  hoc  tibi  caeterisque  collegis  persuasum  esse  cupimus,  eos  qui  istinc  venient  nobis  non  minori  curae  quam  nostros  ipsorum  cives  fore.  Caeterum  duo  illi  qui  nunc  ad  vos  veniunt  pie  et  honeste  vixerunt  apud  nos,  quod  etiam  speramus  vos  re  ipsa  comperturos.  Superioribus  mensibus,  quum  Hertherus  alter  eorum  ad  me  venisset  et  significasset  se,  quod  certos  quosdam  libros  emisset,  pecunia  egere,  numeravi  illi  quinque  coronatos  quos  pistoletos  vocant.  Eos  nondum  mihi  reddere  potuit,  quod  tibi  volui  significatum,  ipsius  etiam  Hertheri  voluntate.  Fratres  omnes  te  caeterosque  collegas  mecum  salutant.  Rogo  autem  ut  haec  quae  ad  te  de  rebus  Gallicis  scribo  cum  D.  Blaurer  o  imprimis  communices  atque  etiam  cum  D.  Gualtero  nostro,  ad  quem  mitto  literas  quas  abhinc  quindecim  dies  a  P.  Moio  ex  Picardia  accepi.  Scripsissem  et  ego  ad  eum  libenter  nisi  plane  iam  essem  scribendo  confectus.  Sed  brevi,  favente  Deo,  quidquid  hoc  est  iacturae  cum  foenore  resarciam.  Mi  pater,  rogo  Dominum  Iesum  ut  vos  omnes  teque  inprimis  conservet  et  sanctis  vestris  laboribus  magis  ac  magis  benedicat.  Genevae  5.  Aprilis.  Tuus  Beza.  4092.  CALVINUS  BULLINGERO.  De  tristi  sua  valetudine  morbique  cruciatibus  queS"  tus  nonnulla  adiicit  de  itinere  Regis  Galliae  eiusque  causis*  (Ex  Cod.  Genev.  107a,  fol.  289  unde  sumpserunt  Turretinus  Cod.  108,  fol.  138  et  librarius  Bernensis  Epp.  VI.  p.  1156  quem  sequutus  est  Simlerus  Vol.  109.)  S.  Diuturni  silentii  veniam  non  peto,  observando  frater,  quia  per  alios  tibi  innotuit  quam  iusta