15:282  in  26  tractatu  in  Ioann,  explanans  Domini  Iesu  dictum:  Qui  manducat  meam  carnem  et  bibit  meum  sanguinem,  habet  vitam  aeternam:  sic  enim  scribit:  Hunc  cibum  et  potum  societatem  vult  intelligi  corporis  et  membrorum  suorum,  quod  est  sancta  ecclesia  in  praedestinatis  et  vocatis  et  iustificatis  et  glorificatis  sanctis  et  fidelibus  eius.  Quorum  primum  iam  factum  est,  id  est,  praedestinatio,  secundum  et  tertium  factum  est,  et  fit  et  fiet,  id  est,  vocatio  et  iustificatio:  quartum  vero  in  spe  est,  in  re  autem  futurum  est,  id  est  glorificatio.  Huius  rei  sacramentum,  id  est,  unitatis  corporis  et  sanguinis  Christi  alicubi  quotidie,  alicubi  certis  intervallis  dierum,  in  dominica  mensa  praeparatur  et  de  mensa  dominica  sumitur,  quibusdam  ad  vitam,  quibusdam  ad  exitium,  res  vero  ipsa,  cuius  sacramentum  est,  omni  homini  ad  vitam,  nulli  ad  exitium,  quicunque  eius  particeps  fuerit.  Et  initio  tractatus  eius  ait  :  Daturus  ergo  Dominus  spiritum  sanctum  dixit  se  panem  qui  de  coelo  descendit,  hortans  ut  credamus  in  eum.  Credere  enim  in  eum,  hoc  est  manducare  panem,  vinum.  Qui  credit  in  eum,  manducat  invisibiliter,  saginatur  quia  invisibiliter  renascitur  ete.  Ac  postea  :  Et  nos  hodie  accipimus  visibilem  cibum  :  sed  aliud  est  sacramentum,  aliud  virtus  sacramenti.  Quam  multi  de  altari  accipiunt  et  moriuntur  et  accipiendo  moriuntur.  Unde  dicit  apostolus:  iudicium  sibi  edit  et  bibit.  Nonne  buccella  dominica  venenum  fuit  Iudae?  Et  tamen  accepit  et  quum  accepit  in  eum  inimicus  intravit,  non  quia  malum  accepit  sed  quia  bonum  male  malus  accepit.  Videte  ergo  fratres,  panem  coelestem  spiritualiter  manducate,  innocentiam  ad  altare  apportat^  Deinde  exponens  verba  DomIDI:  Caro  mea  vere  est  cibus,  quum  inquit,  exponit  quomodo  id  fiat  quod  loquitur,  et  quid  sit  manducare  corpus  eius  et  sanguinem  bibere,  hoc  est  manducare  illam  escam  et  illum  bibere  potum,  in  Christo  manere  et  illum  manentem  in  se  habere.  Ac  per  hoc,  qui  non  manet  in  Christo  et  in  quo  non  manet  Christus,  procul  dubio  nec  manducat  spiritualiter  carnem  eius  nec  bibit  eius  sanguinem,  licet  carnaliter  et  visibiliter  premat  dentibus  sacramentum  corporis  et  sanguinis  Christi;  sed  magis  tantae  rei  sacramentum  ad  iudicium  sibi  manducat  et  bibit,  qui  immundus  praesumpsit  ad  Christi  accedere  sacramenta,  quae  aliquis  non  digne  sumit,  nisi  qui  mundus  est.  De  quibus  dicitur:  Beati  mundo  corde  quia  ipsi  Deum  videbunt  ete.  Plura  huius  generis  leguntur  et  in  tractatu  27  quae  brevitatis  causa  verbotim  non  recitamus.  His  proxime  subiungenda  putamus  quae  mox  sequuntur:10)  Ac  merito  sorbonicum  illud  figmentum  ete.  Et  reliqua  ete.  Intelligis  autem  non  admonitus,  cur  ista  verbotim  inserenda  et  quasi  in  medio  operis  collocanda  10)  ib.  pag.  25  med.