10.1:282  quo  affectu  id  faciam.  Decet  certe  unumquemque  iuxta  cognitionis  a  Domino  concessae  modum,  vitam  suam  instituere.  Nam  quo  magis  bonum  ac  malum  nobis  innotuit,  tanto  minus  est  excusationis,  si  hoc  non  fugiamus,  illud  sectemur.  Si  dixero  edoctum  fuisse  me  verbo  Domini,  puram  non  esse  religionis  formam,  quae  vulgo  hodie  est  recepta  et  sanctissima  habetur,  proptereaque  non  potuisse  eam  amplecti,  quin  Deum  offenderem  magis  quam  colerem,  peto  iterum  tua  a  maiestate,  Caesar,  ne  superbiae  ascribatur:  neque  enim  aut  oculatum,  aut  ingeniosum,  aut  prudentem,  aut  circumspectum  esse  me  dico  super  alios.  Nihil  mihi  istorum  vel  arrogo  vei  tribuo.  Imo  vero  ingenue  agnosco  et  fateor,  eam  esse  meam  imbecillitatem,  [pag.  23]  ut  minime  eo  evadere  potuerim,  vel  naturali  meo  ingenio,  vel  alicunde  comparato  iudicio.  Sed  ita  visum  fuit  Deo  meo,  pro  infinita  sua  bonitate  ,  viam  illam,  quae  alioqui  plane  ignota  mihi  erat,  commonstrare:  non  quidem  ut  doctoris  titulum  induerem,  sed  ut  obedienter  modesteque  sequerer  quo  ducebat.  Sic  itaque,  quod  alii  ignorantia  obvoluti  fortasse  faciunt  bono  quodam  zelo,  facere  non  potui  sine  impia  pervicacia,  ex  quo  Domini  voluntatem  cognovi.  Res  tota  in  hoc  sita  est,  Caesar,  quod  Dominus  coli  vult  ea  quam  verbo  suo  praescripsit  ratione,  et  graviter  vetat  hic  nos  aliquid  moliri  ex  nostro  ingenio,  vel  suis  de  vero  cultu  edictis  quidquam  adiicere.  Atqui  religionem  hodie  usitatam  homines  fere  totam  commenti  sunt,  sine  ullo  verbi  Domini  suffragio.  Imo  vero  plurima  insunt,  quae  manifeste  pugnant  cum  sancta  scriptura,  et  si  quid  habeat  quod  ea  niti  videatur,  ita  vitiatum  est,  ut  vix  ullam  deprehendere  similitudinem  liceat.  Testor  equidem,  si  mihi  integrum  fuisset  Deum  pure  colere,  et  iis  quas  damnat  superstitionibus  abstinere  sine  ullo  tumultu,  vel  scandalo:  interimque  familiam  meam  tueri,  et  recte  instituere,  simul  et  obsequium,  quod  [pag.  24]  tuae  maiestati  debebam,  reddere:  nil  fuisse  potius  mihi  futurum,  quam  in  patria  habitare.  Nec  vereor,  ut  re  tota  penitus  perspecta,  alicuius  vanitatis  suspecta  sit  haec  meo  protestatio.  Illud  vero  si  non  liceret:  saltem  hoc  summopere  optassem,  aliquam  mihi  a  tua  maiestate  audientiam  dari,  rei  toti,  qualis  qualis  est,  patefaciendae.  Sed  quum,  sicuti  iam  a  me  dictum  est,  non  ignorarem  eos,  qui  mihi  domi  infesti  erant,  tuam  maiestatem  erga  me  irritasse:  malui  cedendo  excusationes  omnes  omittere,  quam  esse  tibi  molestus.  Praeterea  eos  intelligebam,  qui  privati  sui  commodi  et  ambitionis  magis  studiosi  sunt,  quam  tuae  vel  dignitatis  vel  salutis,  totos  in  eo  esse,  ut  tuam  maiestatem  inflamment  adversus  eos,  qui  crassissimos  eorum  errores  attingere  audeant,  vel  alioqui  nutu  significent,  nolle  se  illis  subscribere.