8:281  281  PRAEDESTINATIOISE.  282  Deum?  Vel  haec  obiectio  sine  ratione  ingeritur,  vel  nullum  praevisis  operibus  locum  dabat  Pauli  doctrina.  Quae  enim  iniustitiae  suspicio  concipi  potest,  ubi  Deus  gratiam  omnibus  communiter  offert,  facit  autem  ut  ea  digni  fruantur?  Denique  quum  electionis  vel  reprobationis  causam  in  futuris  operibus  constituunt,  hanc  ipsam  quaestionem,  quam  sibi  Paulus  obiicit  [pag.  54],  effugere  et  solvere  sibi  videntur.  Unde  perspicuum  est,  nova  ista  sapientia  non  fuisse  instructum.  Esto,  adversarios  Paulus  importune  et  nullo  colore  inducat  de  iustitia  Dei  litigantes.  Obiectionem  quomodo  repellat,  videndum.  Verba  sunt:  Absit,  nam  Moysi  dicit;  miserebor  cuius  miserebor,  et  miserabor  quem  miseror.  Nibil  fore  aptius  video,  quam  ut  Augustini  verbis  ad  hunc  locum  explicandum  utar.  Mirum,  inquit,l)  quum  his  coarctantur  angustiis,  in  quanta  se  abrupta  praecipitent,  metuentes  retia  veritatis.  Ideo,  inquiunt,  nondum  natorum  alium  oderat,  alium  diligebat,  quia  eorum  futura  opera  praevidebat.  Quis  istum  acutissimum  sensum  defuisse  apostolo  non  miretur?  Hoc  quippe  ille  non  vidit,  quando  sibi  velut  adversantis  obiecta  quaestione,  non  id  potius  tam  breve,  tam  apertum,  tam  verum,  sicut  isti  putant,  absolutumque  respondit.  Quum  enim  rem  stupendam  proposuisset,  quomodo  de  nondum  natis,  qui  nihildum  boni  aut  mali  egerant,  recte  dici  potuerit,  quod  unum  dilexerit  Deus,  alium  odio  habuerit:  Quid  ergo  dicemus?  ait:  numquid  iniquitas  apud  Deum?  Hic  ergo  erat  locus,  ut  diceret  quod  isti  sentiunt:2)  Futura  enim  Deus  opera  praevidebat.  Non  autem  apostolus  hoc  dicit,  sed  potius,  ne  quisquam  de  suorum  operum  audeat  meritis  gloriari,  ad  Dei  gratiam  commendandam  voluit  valere  quod  dixerat.  Moyses  enim  [pag.  55]  dicit:  Miserebor  cuius  misertus  fuero.  Ubi  nunc  merita?  Ubi  opera  vel  praeterita,  vel  futura,  tanquam  liberi  arbitrii  viribus  adimpleta,  vel  adimplenda?  Nonne  apertam  protulit  apostolus  de  gratuitae  gratiae  commendatione  sententiam?  Hactenus  Augustini  verba  recensui.  Fingamus  nihil  tale  unquam  eum  dixisse.3)  Quum  expedita  esset  solutio,  Deum  ex  futuris  operibus  discernere  inter  homines:  cur  Paulus  se  magis  intricat,  et  totam  in  Dei  arbitrio  causam  esse  sitam  asserit?  Primo  enim  Dominus  apud  Moysem  liberum  sibi  ius,  ubi  placuerit,  exserendae  misericordiae  vindicat:  ne  quis  legem  illi  praescribere  ausit:  deinde  ex  tota  populi  multitudine  sumpturum  se,  quos  voluerit  liberandos,  pronunciat.  Foedifragi  pariter  omnes  erant.  Non  dicit,  hunc  sibi  fore  delectum:  ut  si  quos  reperiat  venia  dignos,  illis  sit  propitius:  sed  praecise  misericordiae  se  arbitrum  1)  Epistol.  105  ad  Sixtum.  2)  ce  que  ceux-ci  inventent.  3)  Add.  et  venons  au  faict