55:281  281  CAPUT  IV.  282  quasi  indigne  tractentur  :  quum  potius  hoc  in  lucro  reputare,  et  Dei  gratiam  agnoscere  debeant.  Caeterum  quum  dicit,  ut  Christianus,  non  tam  nomen  quam  causam  respicit.  Certum  est,  nihil  omittere  Christi  adversarios  ut  evangelium  infament:  ergo  quascunque  probrosas  voces  comminiscantur,  sufficiat  fidelibus  quod  non  nisi  pro  evangelii  defensione  laborant.  In  hac  parte.  Nam  quum  omnes  afflictiones  originem  trahant  a  peccato,  haec  cogitatio  in  mentem  venire  piis  debet.  Ego  quidem  dignus  eram  cui  Dominus  et  has  et  maiores  poenas  irrogaret  pro  peccatis:  nunc  autem  vult  me  pati  ob  iustitiam,  ac  si  essem  innocens.  Utcunque  enim  suam  culpam  agnoscant  sancti,  quia  tamen  in  persequutionibus  diversum  finem  considerant  quem  illis  Dominus  proponit,  reatum  suum  deletum  coram  Deo  et  abolitum  esse  sentiunt.  In  hac  parte  causam  habent  glorificandi  Dei.  17.  Quandoquidem  et  tempus  est.  Consolationem  illam  amplificat,  quam  nobis  affert  causae,  pro  qua  patimur,  bonitas,  dum  affligimur  pro  Christi  nomine.  Nam  haec,  inquit,  necessitas  totam  Dei  ecclesiam  manet,  ut  non  tantum  communibus  hominum  miseriis  subiaceat,  sed  peculiariter  et  praecipue  Dei  manu  castigetur:  tanto  igitur  aequiore  animo  ferendae  sunt  pro  Christo  persequutiones.  Nisi  enim  expungi  e  numero  fidelium  velimus,  Dei  ferulis  nos  tergum  aptare  convenit.  Suave1)  autem  istud  condimentum  est,  quod  non  ut  in  alios  passim  Deus  sua  in  nos  iudicia  exercet,  sed  filii  sui  personam  nobis  imponit,  ut  non  nisi  eius  causa  et  nomine  laboremus.  Porro  hanc  sententiam  ex  trita  et  perpetua  scripturae  doctrina  sumpsit  Petrus:  idque  mihi  probabilius  est,  quam  quod  alii  putant,  certum  aliquem  locum  notari.  Hoc  Domino  iam  olim  fuisse  usitatum,  testes  sunt  omnes  prophetae,  ut  prima  castigationum  exempla  in  populo  suo  ederet:  quemadmodum  paterfamilias  in  suos  potius  quam  in  alienos  animadvertit.  Quamquam  enim  totius  mundi  iudex  est  Deus,  specialiter  tamen  in  regenda  sua  ecclesia  providentiam  suam  vult  cognosci.  Itaque  quum  surrecturum  se  totius  mundi  iudicem  denuntiat,  hoc  fore  subiicit  postquam  totum  opus  suum  compleverit  in  monte  Sion.  Promiscue  quidem  in  suos  et  alienos  exserit  manum  suam  :  utrosque  enim  videmus  communiter  rebus  adversis  subiici:  verum  si  fiat  comparatio,  videtur  quodammodo  reprobis  parcere,  prae  ut  in  electos  severus  est.  Unde  illae  piorum  querelae,  quod  reprobi  vitam  in  continuis  delitiis  transigunt  :  quod  vino  et  cithara  se  oblectant,  et  tandem  momento  absque  dolore  descendunt  in  sepulcrum:  quod  pinguedo  tegit  oculos  eorum:  quod  molestiis  exempti,  secure  et  suaviter,  aliis  con-  *)  Inane