50:281  281  SUR  L'EPITRE  AUX  GALATES.  282  ils  seront  affectionnez  iusques  au  bout,  afin  de  s'insinuer  par  leur  arrogance.  Mais  il  nous  faut  examiner  ce  qui  y  est,  a  fin  que  la  vocation  de  Dieu  nous  soit  certaine.  Et  comment  est-ce  que  sainct  Paul  en  parle  ici?  Non  point  (dit-il)  du  coste  des  hommes,  ni  par  les  hommes.  Quand  sainct  Paul  dit  qu'il  est  Apostre,  non  point  du  cote  des  hommes,  c'est  un  poinct  general  lequel  se  doit  estendre  a  tous  ministres  de  la  parole  de  Dieu,  et  a  tous  pasteurs  de  son  Eglise.  Oar  (comme  desia  nous  avons  dit)  Dieu  ne  s'est  point  despouille  de  son  empire,  quand  il  a  voulu  qu'il  y  eust  anciennement  des  Prophetes,  et  puis  apres  qu'il  y  eust  des  Pasteurs  qui  ayent  enseigne  son  peuple.  Plustost  ca  este  pour  monstrer  qu'il  ne  faut  point  que  les  hommes  gouvernent  ici  a  leur  appetit,  et  que  cependant  ils  ne  soyent  rien,  sinon  qu'ils  luy  garderont  bien  le  titre:  mais  il  veut  que  tousiours  nous  l'escoutions,  tellement  que  les  hommes  qui  sont  constitues  de  luy,  ne  soyent  sinon  comme  organes  de  son  sainct  Esprit,  ou  instrumens.  Nous  voyons  donc  maintenant  a  quoy  sainct  Paul  a  pretendu,  disant  qu'il  n'estoit  point  envoye  du  coste  des  hommes  :  car  il  declare  qu'il  est  authorise  de  Dieu,  et  qu'il  est  son  serviteur.  Or  le  second  a  este  special  seulement  pour  les  Apostres,  quand  il  dit  qu'il  n'a  point  este  envoye  par  les  hommes.  Car  encores  que  nous  soyons  appelez  de  Dieu,  et  qu'il  nous  advoue,  toutesfois  nous  ne  laissons  pas  d'estre  appelez  par  les  hommes:  et  si  cela  n'estoit  conforme  a  la  volonte  de  Dieu,  sainct  Paul  n'en  eust  pas  use.  Nous  scavons  comme  sainct  Paul  y  a  procede,  que  par  tout  ou  il  est  venu  il  a  cree  par  election  des  ministres  et  pasteurs:  il  faloit  que  cela  fust  legitime.  Notons  bien  donc  que  sainct  Paul  n'a  point  ici  condamne  sans  discretion  ceux  qui  estoyent  appelez  par  le  moyen  des  hommes:  mais  il  a  traitte  seulement  ce  qui  estoit  propre  a  la  charge  apostolique.  Oar  voici  la  difference  qui  a  este  entre  les  Apostres,  et  ceux  qui  ont  eu  charge  des  Eglises  en  particulier:  comme  maintenant  encores  cest  estat-la  demeure,  et  faut  qu'il  dure  iusques  a  la  fin  du  monde.  Oar  les  Apostres  ont  este  choisis,  non  point  par  election  humaine,  ni  par  la  police  qui  est  commune  en  l'Eglise,  mais  c'a  este  par  la  propre  bouche  du  Fils  de  Dieu.  Et  mesmes  quand  il  a  falu  substituer  au  lieu  de  Iudas  un  successeur  pour  accomplir  le  nombre  des  douze,  les  Apostres  combien  qu'ils  fussent  la,  presens,  et  combien  qu'il  y  eust  grande  multitude  de  disciples,  n'ont  pas  ose  faire  election.  Si  on  eust  choisi  un  pasteur  pour  l'Eglise  de  Ierusalem,  ou  d'Antioche,  ou  pour  quelque  autre  peuple,  il  y  eust  eu  ceste  facon,  c'est  a  scavoir  qu'on  eust  prie  Dieu:  et  la  dessus  on  eust  choisi  un  homme  qui  se  fust  trouve  propre  et  idoine  a  tel  office.  Or  ils  remettent  cela