5:281  DE  SACERDOTIO  PAPALI  ABIICIENDO.  luviem  deducere  in  animo  est:  et  stilum  ita  studebo  temperare,  ut  non  cum  uno  duntaxat  homine,  sed  toto  simul  ordine  mihi  esse  negotium  appareat.  Equidem  non  sum  nescius,  quam  ardua  difficilique  in  causa  verser,  dum  eos  mihi  fero  iudices,  quorum  fortunas  honoresque  omnes  in  iudicium  postulo.  Ac  quibusdam  forte  insanus  videri  possim,  qui  sola  facundia  obtinere  in  animum  inducam,  ut  se  unicis  vitae  praesidiis  abdicare  ultro  isti  velint:  quibus  aegerrime  cedunt,  qui  vi  manuque  illis  exuuntur.  Apud  integros  sane  et  incorruptos  iudices  non  ita  difficile  fuerit  palam  facere,  totam  illam  romanensis  opulentiae  congeriem,  ab  ipsa  suprema  sede,  ad  minimam  usque  capellaniam  (ut  vocant)  ex  imposturis,  furtis,  rapinis,  sacrilegiis,  pessimisque  artibus  conflatam  esse:  et  cuius  nullam  particulam  attingere  possis,  quin  multorum  scelerum  conscientia  te  obstringas.  Nam  de  eo  si  quis  ambigit,  ei  facile  sua  dubitatio,  antequam  dicendi  finem  faciamus,  eximetur.  Eandem  vero  confessionem  ab  iis  exprimere,  quorum  ut  venter  eiusmodi  imposturis,  rapinis,  [pag.  47]  furtis,  sacrilegiis,  pascitur,  ita  mens  animusque  corrumpitur,  non  ita  promptum  est.  Neque  enim  scite  magis  quam  vere  pronunciatum  olim  hoc  a  Catone  fuit,  Ventri  nullas  esse  aures,  quibus  rationi  melioribusque  consiliis  auscultare  queat.  Atqui  non  hic  cum  uno  duntaxat  ventre  mihi  negotium  est,  sed  cum  ambitione  quoque:  cuius  affectus  ad  verum  perspiciendum  non  minus  caecus  est,  quam  ad  audiendum  surdus  illius  sensus.  Est  tamen  quiddam,  quod  in  tanta  etiamnum  difficultate  spem  mihi  aliquam  faciat,  in  ipsis  vel  docendis,  vel  monendis,  vel  obsecrandis,  non  inanem  me  operam  sumpturum.  Tametsi  enim  omnes  praestigiis  illis  fascinati,  quibus  suos  excaecare  solet  romanus  Pluto,  quam  calamitosas  possideant  opes,  non  vident,  bona  etiam  pars  malo  suo  altius  indormit,  quam  ut  ullis  clamoribus  expergiscatur  :  non  sic  tamen  omnes  (nisi  vehementer  fallor)  ad  meliorem  doctrinam  obsurduerunt,  ut  non  vel  dimidiam  saltem  aurem,  e  tam  numerosa  gente  pauculi  nobis  arrigant.  Magna  sane  vis  est  verbi  Domini,  potentiorque  quam  reputare  quisquam  temere  queat,  nisi  expertus,  et  quae  plurimum  valeat  in  utramque  partem:  ut  quidquid  eo  attactum  fuerit,  quamlibet  durum  sit  et  saxeum,  vel  emolliatur  protinus,  vel  conteratur:  ut  quidquid  petitum  eius  odore  fuerit,  vel  in  mortem  afficiatur,  vel  in  vitam.  Sint  igitur  innumeri,  qui  devoto  animo  in  suam  ipsorum  perniciem  ruentes,  mea  ista  exhortatione  fidelissimo  alioqui  mali  sui  remedio,  gravius  adhuc  exulcerentur:  quosdam  tamen  fore  minime  dubito,  qui  obiectum  naribus  suis  vitae  odorem  magna  cum  laetitia  persentiscant.  Quorum  in  namero  ut  te,  vir  mihi  amicissime,  certissima  fiducia  ponere  ausim,  facit  quum  ingenium  illud  tuum,  et  praeclaris  naturae  dotibus  ornatum,  et  optimis